Sual-Cavab
Hər kəsə, salamlar. Çoxdandır ki, blogda yaza
yazmırdım. Hazır youtube üçün “Sual-Cavab” video çəkirdim, düşündüm elə burada
da cavablandırmadığım, həmçinin bəzi sualların ətraflı cavablarını yazım.
Videonu izləmək istəsəniz aşağıya qoyacam.
Gələk suallara:
1.
Ən
sevdiyin müğənnilər və ən çox sevdiyin filmlər hansılardır?
Müğənnilər
- Stromae, Lp, Amy Winehouse,
Avicii. Filmlər – Agora, “I Origins”,
2.
Ixtisasınız
nədir və onu sevirsinizmi?
İngilis
dili müəllimliyi. Yəni, pis deyil.
3.
Youtube-a
başlamaq fikrin necə yarandı və ailənin buna münasibəti?
Youtube-a
yay vaxtlarında can sıxıntısından başladım deyə bilərəm. Ailəmin buna münasibəti
çox yaxşıdır. Dəstəkləyirlər. Hətta çoxlu video yüklə deyirlər. Evdə kimsə
videolarıma baxanda, öz səsimi eşidəndə utanıram.
4.
Mütaliə
ilə paralel universitet dərslərini necə tənzimləyirsən?
Əslində tənzimləyə
bilmirəm. Həqiqətən mən hər şeyi bir arada edə bilən insanlara heyranam, ancaq
özüm elə deyiləm. Bir işi yaxşı edəndə digəri o qədər də yaxşı alınmır. Çalışıram
ki, əvvəlcə dərslərimi bitirim, sonra isə kitablarıma qaçım. Nə də olsa dərslər tez bitir, ancaq
kitablara gəldikdə
“A
lot of books, Little time.”
5.
Yazıçı
olmaq istəyərdin, yoxsa şair?
Yazıçı.
Hətta yeniyetməlik dövrümdə hekayələr yazırdım, ancaq hal-hazırda heç bir şey
yazmıram. Gələcək də isə nə olacağına baxacayıq J.
6.
Roman
yoxsa şeir?
Roman,
çünki şeir oxumaq mənlik deyil. Əslində öz dilimizdəki şeirləri sevirəm, lakin
xarici dildə yazılmış şeirləri heç başa düşmürəm. Daha doğrusu
7.
Kitab
yazsaydın adı nə olardı?
Başlıq seçməkdə
hər zaman çətinlik çəkən biriyəm, özüm ad tapmağa çalışsam qocalana qədər ancaq
nəsə ağlıma gələrdi. Ya da tapdıqlarımı da bəyənməyəcəyim üçün qoymazdım. Ona
görə də əgər kitab yazsaydım birinə oxutdurub ona uyğun ad seçməyini xaiş edərdim.
8.
Ən
çox sevdiyin 3 roman və 3 serial?
Kitablarla
bağlı belə suallar mənə həmişə çətin gəlib, çünki oxuduqlarımın demək olar ki,
çoxunu sevirəm. İlk ağlıma gələnləri yazacam: “Bronz Atlı-Paulina Simons”,
“Richard Bach – Martı Jonathan Livingston”, “Harry Potter” seriyası.
Çox serial
izləyən biri deyiləm. Çünki indiki seriallar o qədər uzundur ki, izlə, izlə
bitmir. İzləyib bitirdiklərimdən ən çox sevdiklərim “Pretty Little Liars”, “The
Vampire Diaries”. 3-cü isə ağlıma gəlmir.
9.
Ən
çox sevdiyin Azərbaycan və Türk nəşriyyatları?
Hal-hazırda
Azərbaycan nəşriyyatlarından çox kitab oxumuram ona görə də elə çox deyə bilməyəcəm.
Məktəb illərində “Öndər” nəşriyyat evindən çox kitab oxuyurdum. Kitabları sərt
qapaqlı nəşr edirdilər. Çox xoşuma gəlirdi.
Türk nəşriyyatlarından
isə “Pegasus”, “Yapı Kredi Yayınları, “Türkiye İş Bankası Kültür Yayınları”nı
çox sevirəm.
10.
Ən çox sevdiyin kitab seriyası?
Buna iki
seriya demək istəyirəm: “Harry Potter” və “Ateş seriyası”.
11.
Həyatda görüşmək istədiyin yazıçı?
Yəqin ki J.
K. Rowling’lə görüşmək
istəyərdim. Həyatında o qədər çətinliklərin olmağına baxmayaraq belə gözəl əsərlər
bəxş etdiyi üçün təşəkkür edərdim və mümkünsə yeni seriyaya başlamağının bizi
çox sevindirəcəyini qeyd edərdim.
12.
Kitablara
sevgin necə yarandı?
Bunu həqiqətən
bilmirəm. Çünki özümü bildim-biləli kitablara böyük sevgim var. Deyəsən bunda
bir az da valideynlərimin rolu var. İkisi də kitabsevərdir.
13.
Ən sevdiyin 3 yazıçı?
Jule Vern, J.
K. Rowling, Stefan Zweig.
14.
Ən
sevdiyin janrlar hansılardır?
Distopya,
Tarixi eşq, Fantastika.
15.
Roman oxumağa mütəmadi olaraq nə vaxtdan
başlamısan?
Deyəsən elə
məktəb illərindən. 6-cı sinifdən yadımdadır ki, məktəbimizin kitabxanası ilə
yanaşı başqa kitab evlərinə də gedib kitablar götürürdüm.
16.
Neçə kitabın var?
Sonuncu
dəfə sayanda hardasa 400-dən
çox idi.
17.
Səncə Nobel mükafatına layiq yerli yazıçı
varmı, həm indiki zamandan, həm də keçmiş?
Indiki zamanda
çox yazıçılarla tanış deyiləm, ancaq keçmiş zamanda çoxlu şair və yazıçılarımız
var. Misal olaraq, mənim çox sevdiklərim; Hüseyn Cavid, Mikayıl Müşfiq.
18.
Sonunu dəyişmək istədiyin kitablar varmı?
Varsa hansılardır?
Var, Audrey
Niffenegger – The Time Traveler’s Wife. Kaş ki sonu elə bitməsəydi yaa.
19.
Ən çox pozitiv enerji verən kitab hansı olub?
Nicola Yoon
– Everything, Everything. Rainbow Rowell – Fangirl.
20.
Üz qapağını çox bəyəndiyin və heç bəyənmədiyin
kitablar hansılardır?
Çox bəyəndiyim
– İlluminae, heç bəyənmədiyim – “Tatlı Bela” seriyası.
21.
Ən çox sevdiyiniz və qıcıq olduğunuz obrazlar
kimlərdir?
Qıcıq
olduqlarımla başlayım; “After” kitabından Tessa, “Trendeki Kız” kitabından
Rachel. Sevdiklərim isə;
22.
Hansı kitabın əsas qəhrəmanı olmaq istəyərdin?
“Cinder”
kitabındakı Cinder olmaq istəyərdim, çünki uşaqlıqdan bəri Cinderella hekayəsinə
böyük marağım var və elə müasir dünyaya əks olunmuş bir Cinder məncə super
olardı.
23.
“Kaş mən olsam” dediyin obraz varmı? Və səbəbi?
“Yetenek”
kitabındakı Katsa obrazı. Səbəbi isə çox güclü qadın olmağıdır.
24.
Dəfələrlə oxuyub bezmədiyiniz kitablar?
“Harry
Potter” seriyası, Jule Vern – “Kapitan Qrantın uşaqları”, Lewis Caroll -
“Alisin möcüzələr diyarı”.
25.
Kitab oxumaqdan başqa zövq aldığınız şeylər
varmı?
Yazmağı çox
sevirəm. Gəzib görməyi, yeni yerləri kəşf etməyi sevirəm. Bir də yeni şeylər
öyrənməyi.
26.
Ilk oxuduğunuz kitab hansı olub?
“Azərbaycan
Nağılları” adlı 3 cildlik kitablar var idi. Oxumağı öyrəndiyim vaxtlarda
oxumuşdum.
27.
Oxuyarkən ağladığınız kitab olubmu?
Əslində əvvəllər
daha çox ağlayırdım. Nə vaxt dram janrında kitablar oxusam, filmlər izləsəm
sulu gözə bağlayırdım. Böyüdükcə bir az düzəlmişəm məncə J. Işıl Parlakyıldız – Köle, E. L. James – Fifty Shades
of Grey.
28.
Hər işi öz qaydası ilə, yerli-yerində, üstəlik
imtahanlarla birlikdə günə bir kitabı necə oxuyub bitirirsən? Ümumiyyətlə
kitabı bir günə oxuyub bitirmək üçün xüsusi nə isə bacarığın var?
Bir çoxları
kimi mən də imtahanlar ərəfəsində kitab oxumaq istəyirəm, bircə dərs oxumayım
deyə. Bir də dərslərdən, stressdən uzaqlaşmaq üçün özümü kitablara verirəm. Buna
görə də bacardığım qədər bədii ədəbiyyat oxuyuram. Qaldı ki, kitabı bir günə
bitirməyə xüsusi bir bacarığım yoxdur. Daha çox oxuma sürəti ilə əlaqədar bir
şeydir, həm də kitabdan çox şey asılıdır. Mövzusu, qalınlığı, yazıçının dili
filan çox fərqi var.
29.
“Nə yazsa oxuyaram” dediyin yazıçı varmı?
Məncə indiki
dövrdə hələ elə bir yazıçı ilə qarşılaşmamışam. Çünki bir yazıçının bir əsərini və ya seriyasını sevirəmsə digər
kitabını sevməyə bilirəm. Buna görə də tam olaraq kimi desəm bilmirəm. Yəqin ki
yenə də J. K. Rowling deyərdim. Əgər Harry Potter-dən başqa seriya daha
yazsaydı və fantastika olsaydı çox sevərdim.
30.
Bütün zamanların favori kitabı hansıdır?
“Kapitan
Qrantın Uşaqları”. Çünki məni fantastika ilə, dənizlər dünyası ilə tanış edən,
mənə sevdirən kitab olub.
31.
Fantastik janrdakı kitablardan olmaq istədiyin
obraz varmı?
“Yakut
Kırmızı” kitabındakı Gwendolyn obrazı olmaq istəyərdim. Çünki zamanda səyahət
edə bilir və keçmiş dövrə gedib istədiyi paltarları geyinə bilir. Ən böyük
arzum 18-19-cu əsrlərdə yaşayıb o vaxtın paltarlarını geyinməkdir. O böyük ətəkləri
dəhşət çox bəyənirəm.
32.
Ən sevdiyin kitab satan mağaza və səhifə
hansıdır? Qiymətlərinə görə, yoxsa çeşidin çox olmağına görə?
Ən sevdiyim
mağaza “Ali və Nino”dur. Çünki istədiyim vaxt gedib rahat bir şəkildə istədiyim
kitablara baxa bilirəm. Üstəlik çeşit də çoxdur. Məni narahat edən satıcıları
da yoxdur.
Səhifələrə
gəldik də isə əlbəttə ki “Bybookbaku” və “Elif_kitab” Instagram səhifələridir.
33.
Dünyasına daxil olmaq və orada yaşamaq istədiyin
kitab və ya seriya varmı?
Əslində
oxuduğum kitabların çoxunun dünyasında yaşamağı istəyərdim. Lakin belə baxıram
hamısının öz çətinliyi var. Ona görə də ən asan gələni “Hogwarts” görünür.
34.
Hansı qeyri-adi bir gücün səndə olmağını istəyərdin?
Daima
sehirli bir gücə sahib olmağı gözləyirəm. Hətta uşaq vaxtı düşünürdüm ki, 16 ya
da 18 yaşıma çatanda gücümə qovuşacam. Hələ də inanmıram deyil və əgər bir gün
bir gücə sahib olsaydım dünyanı dəyişdirmək istəyərdim. Müharibələri
dayandırmaq və bütün insanların xoşbəxt yaşayacağı bir yer halına gətirmək istəyərdim.
35.
“Ilk kitabı ilə bitməli idi, davam kitabları
yazılmamalıydı.” Dediyin kitab seriyası varmı?
“5. Dalga”
seriyası. Kaşki yazıçı davam kitablarını yazmasaydı. İlk kitabını çox sevsəm də
ikinci və üçüncü kitabını sevə bilmədim.
36.
Hansı 2 fərqli obrazın eyni bir kitabda
olmağını istəyərdin?
Bunu çox
düşündüm və ilk ağlıma gələn “Katiller Çetesi” seriyasındakı Victor-la “Fifry
shades of Grey”-dəki Christian oldu. İkisi də manyak :D. Bir də eyni qıza aşiq
olsaydılar. OHA, OHA, OHA. Hahahahha…
37.
Motivasiya qaynağın nədir? (dərsə qarşı)
Böyük bir
motivasiya qaynağım yoxdur məncə. Daha çox dərs ləvazimatlarını sevirəm deyə
bilərəm. Dəftər, qələm, çanta, rəngli kağızları və s. Buna görə də daima yeni dərs
ilinə bunları alaraq başlayıram. Az da olsa yeni bir şeylər alıram. Çünki bu məni
çox həvəsləndirir və onları istifadə etmək üçün səbirsizliklə yeni dərs ilini
gözləyirəm.
38.
Sizcə cəmiyyətimizi kitab oxumağa təşviq etmək
üçün ən effektiv yol nə ola bilər?
Kitabsevərə
belə bir sual verilərmi heç? İlk cavabım: “təbii ki pulsuz kitab paylayın”
olardı. Zarafat bir qırağa, kitab təqdimatlarının çox keçirilməyi ən yaxşı
üsullardan biridir. Məktəblərdə, hətta baxçalarda belə tədbirlər çox keçirilsə
yaxşıdır. Insanların çoxu (fərqi yoxdur kitab oxuyur ya yox) dünyadakı, ölkəmizdəki
kitablardan xəbərsizdir.
Bir də əgər
yeni kitab mağazası açılırsa xaiş edirəm, arada endirim də edin. Başqa sahələrdəki
mağazalar açılışa görə az da olsa endirim edir. Bizim ölkəmizdə isə sanki belə
bir şeydən xəbərləri belə yoxmuş kimi davranırlar.
39.
Sizcə sadəcə kitab oxuyur deyə bir insane
münasibətiniz yaxşı ola bilərmi? -Yəni sırf kitab oxuduğuna görə onun digərlərindən
yaxşı olduğunu düşünmək nə dərəcədə doğrudur?
Insanları geyiminə,
irqinə, cinsinə və oxuduğu kitablara görə qiymətləndirən biri deyiləm. Mənə görə
əsas o insanın əməlləri, xasiyyətidir. Yəni bir insan kitab oxuya bilər, ancaq
bu, o demək deyil ki, çox yaxşı insan olmalıdır. Belə bir şey yoxdur.
40.
Səsləri, musiqi yazmaq və rəsm çəkmək qabiliyyəti
ilə insanlar bir-birilərindən nəyə görə fərqlənirlər? Niyə görə onlar bizdən fərqli
yaradılıblar?
Fərqli
yaradıldıqlarını düşünmürəm. Sadəcə bütün insanların öz qabiliyyətləri var. Bir
də 5 duyğu üzvümüzlə əlaqədar olduğunu düşünürəm. Birinin digərlərindən daha
çox inkişaf etdiyi ola bilər. Yəni bir insanın görmə qabiliyyəti yaxşıdırsa şəkil
çəkərkən hansı istiqamətdən istifadə edəcəyini çox yaxşı bilir. Birinin dad
bilmə duyğusu daha yaxşı ola bilər, digərinin isə qoxu bilmə qabiliyyəti.
Musiqi yazmağı
bilənlərdə eşitmə qabiliyyəti güclü ola bilər. Səsləri aydın seçə bilirlər. Bu
digər sahələrə də aiddir. Yəni ən azından mən belə düşünürəm.
41.
Bir kitabı oxumağa başlayıb müəyyən səbəblərə
görə kitabdan sıxıldığın, yarımçıq qoymaq istədiyin hallar olubmu? Belə
hallarda o kitabı bitirmək üçün nə edirsən?
Olub, hətta
bu yaxınlarda bir neçə kitaba başlayıb ancaq oxumaq istəmədiyim üçün yarımçıq
qoymuşam. Belə hallarda özümə bir az vaxt qoyuram və bir müddət sonra oxuyub
bitirirəm. Yox, əgər bu kitabı hal-hazırda oxuyub bitirməliyəmsə onda çalışıram
özümdə o kitaba qarşı maraq yaradım. Daima düşünürəm ki, görəsən yazıçı bu
kitabın sonunu nəyə bağlayıb. Bu obraza sonda nə olacaq? Qatil kim çıxacaq? kimi suallar verirəm özümə.