My Paradise Book: Mayıs 2017

May Ayında Nələr Olur? / Oldu!

Əsas Səhifə Mayıs 31, 2017

HOLA 💛

Bu yazını yazmağa bir az geciksəm də, bəzən hətta artıq yazmamağı belə düşünsəm də bu gün qərara gəldim ki, yazım. “Niyə bu qədər gecikdi?” deyə soruşanlar, bu ay mənim imtahan ayım olduğundan yalnız indi vaxt tapa bilirəm yazmağa. Olsun, əsas olan yazı gəldi.

“May ayında nələr olur?/oldu!” düşünürəm ki, daha çox film tövsiyyəsi olacaq. Bu ay bir neçə film izlədim. Bunların çoxunu neçə müddət idi izləmək istəyirdim. Nəhayət bu aya qismət oldu. Bundan başqa may ayını tamamilə imtahanlara hazırlaşaraq keçirtdim. Hətta mənə görə doya-doya yaşadım deyə bilərəm.

Elə isə söhbət imtahanlar açılmışkən gəlin sizə bir günümün özətini keçim. Səhər 8-dən evdən çıxırdım. Əvvəlcə dərslərim olurdu, sonra isə saat 4-ə qədər kitabxanada dərs oxuyaraq günümü keçirdirdim. Bəzən artıq o dərəcə yorulurdum ki, nə qədər çalışsam da bir vərəq belə oxumağı beynim dözmürdü. Çox vaxt sultan Həliməcan həzrətləri ilə kitabxanadan çıxdıqdan sonra gəzə-gəzə Heydər Əliyev mərkəzinə gedib dincəlirdik. Nəhayət günün ən sevdiyim saatları, yəni pilates saatlarım gəlirdi. Bütün bu gözəl yoruğunluqlara baxmayaraq onu qeyd edim ki, tələbə olarkən insan ən gözəl illərini yaşayır.

May ayında mənə motivasiya verən bir mahnı oldu. (əslində son vaxtlarda mahnılara qulaq asmağı çox da sevmirəm nəsə, ancaq bu ay dərs yazarkən dinlədiyim bir iki mahnı oldu.) Onu da hər yerdə - dərs oxuyarkən, yorğun olarkən, dincələrkən, evdə, çöldə demədən qulaq asırdım. Həqiqətən anında enerjimi yüksəldirdi. “Lous Fonsi – Despacito” əslində artıq neçə aydır ki, qulaq asırdım. Ancaq bu ay favorim oldu deyə bilərəm. Sözləri, musiqisi o qədər xoşuma gəlir ki, dayanmadan qulaq asırdım.

Düşünürəm ki, bu mahnıya qulaq asmayan qalmamışdır, nədə olsa instagramda çox paylaşılan musiqi oldu.

Bu ay digər sevərək dinləyim musiqilər isə “Casting Crowns - Oh My Soul”, “Fi” serialında səslənən “SanatOkulunda Müzik Ziyafeti” oldu. Qeyd edim ki, serialı izləmirəm. Əvvəlcə kitablarını oxumaq istəyirəm, ona görə də çalışdıqca uzaq dururam.

Bu ay tam olaraq 6 film izlədim. İlk olaraq çox sevərək izləmiş olduğum “Agora”dan yazmaq istəyirəm. Sən necə gözəl bir film idin elə. Şübhəsiz olaraq təkrar, təkrar izləyə biləcəyim filmlərdəndir. Filmin mövzusu Roma imperatorluğu dövründə İsgəndəriyyədə keçən bir hekayədən bəhs edir. O dövürdə ilk qadın filosof olan Hypatia’nın həyatından bəsh edir. Dinlərin insanların, xüsusilə də qadınların üzərindəki hakimiyyəti filmdə o qədər gözəl əks olunmuşdu ki. Bu film haqqındakı fikirlərimdən yazmayacam, çünki hisslərimi də qatacam və bunu istəmirəm.

Digər bir izləmiş olduğum film “W./E.” oldu. “King’s Speech” filmini izləmisinizsə orada kralın əslində taxta çıxmalı olan oğlunun hekayəsini az-çox bilirsinizdir. Belə ki bu bizə tarixdən də məlumdur. VIII Edvard amerikalı dul bir qadınla evlənmək üçün taxtdan əl çəkir və bu ingilis tarixində böyük səs salır. “King’s Speech” filmini izləyərkən bu hadisəyə yalnız bir tərəfdən nəzər saldığımız üçün əslində həqiqətləri görə bilmirik. Lakin “W./E.” filmində Wallis Simpson'un əslində nələr yaşadığını, nə qədər sevgisi uğrunda mübarizə apararaq güclü qadın obrazı yaratsa da daxilən o qədər incindiyini, bəzən mübarizə aparmaqdan yorulduğunu görürük. Film 2011-ci ildə Madonna'nın rəhbərliyi ilə ərsəyə gətirilmişdir. Bəhs etdiyim bu iki filmi də izləməyinizi tövsiyyə edirəm.

Növbəti bir izlədiyim film “I Origins”. Möhtəşəm bir film daha. Bu film izləməyim üçün mənə təzyiq edən Həliməcana təşəkkürlər. Onun təzyiləri nəticəsində bu cür möhtəşəm bir film izlədim.

Bu arada, bu xanım filmi izlədikdən sonra artıq nə vaxt liftə minsə başlayırdı panik-atak keçirməyə. Məndə həmişə zarafatlaşırdım. İndi isə daha yaxşı başa düşürəm. Lift məsələsini filmi izləyənlər bilər. İzləyin bu filmi.

Ciddi mövzulardakı filmlərdən gəlin indi də bir az fantastika və klişələrlə dolu olan bir filmdən yazım. “Fallen” – maraqlı mövzusu var. Ən azından bəzi mələkli və şeytanlı kitablardan və filmlərdən tamamilə fərqlənirdi. Hətta filmin ortalarına doğru açılan bir hadisəyə o qədər vuruldum ki, çox xoşuma gəlmişdi. Ancaq gəlin görün ki, tam da hər şey super getdiyi yerdə filmin sonu hər şeyi korladı. Tam olaraq sonda olan hadisəyə görə (iki oğlanın qarşı durması hissəsindən söhbət gedir) həqiqətən güldüm. Yəni o nə idi yaaaa. Necə gözəl gedirdin. Bunu da nəzərə almalıyıq ki, bu film eyni adlı kitab əsasında çəkilib və seriya yazıldığı vaxtlarda çox məşhurlaşmışdı. Çünki ən aktual fantastik janrlı mövzulardan sayılırdı. Digər kitabların filmi çəkiləcəkmi hələ məlum deyil. Ancaq çəkilməyini istəyərdim. Əgər fantastik, mələkli, şeytanlı filmlər sevirsinizsə izləyin.

Digər bir izlədiyim film “Hacksaw Ridge” oldu. Bir izləyicim tövsiyyəsi ilə izlədim (Fatma, təşəkkürləəər 😍 ). Bu film haqqında sadəcə onu demək istəyirəm ki, real hadisələr əsasında çəkilən bu film mənə həqiqi inancların nə olursa olsun ölmədiyini izah etdi. Əgər həqiqətən birinə dərindən bağlısınızsa onunla aranızdakı bağ ölümünüzə də səbəb olsa qopmayacaq. Bu ay izlədiyim filmlər artıq məni dərindən yaraladı. Əvvəlcə “Agora”, sonra da bu. İzləyin bu filmi.

Və son olaraq bir də bu ay “The Deep Blue Sea” filmini izlədim. Filmin mövzusu eşqi xəstəlikli hala gətirən bir qadının həyatından bəhs edir. Bu filmi sevdimmi, sevmədimmi bilmirəm. Hisslərim qarışıqdır, çünki filmin sevdiyim yanları olduğu kimi, nifrət etdiyim tərəfləri də oldu.

Bunu da qeyd edim ki, aylar əvvəl filmin bu şəklini görüb vurulmuşdum. Sizcə də çox gözəl deyilmi?

Bu aykı izlədiyim filmlərdən bu qədər. Yazının çox hissəsini filmlər tutdu.

Bu ay sizə iki kafe də tövsiyyə edəcəm. “Coffee Station” və “Meat by Beat” bu ay çox sevərək getdiyim yerlər oldu. Gedib jasmin çayı içməyi unutmayın.

Bu aylıq yazım bu qədər. Düzü uzun müddət olduğundan artıq nələr etdiyimi, haralara getdiyimi belə unutmuşam. Buna görə də bu yazını burada yekunlaşdıracam. Ümid edirəm ki, sevərək oxuyacağınız bir yazı olmuşdur. Fikirlərinizi yazın. Sizdə izlədiyiniz filmləri, gəzdiyiniz yerləri yazın. Siz nələri, haraları tövsiyə edərdiniz?

Bonus, məəən 😂

See you, babies 😗

Share |

Kazananın Laneti - Marie Rutkoski // Kitab Yorumu

Əsas Səhifə Mayıs 14, 2017

Kazananın Laneti

Orijinal Adı: The Winner’s Curse

Səhifə sayı: 368

Yazıçı: Marie Rutkoski

Tərcümə edən: Barış Mol

Qiymətləndirmə: 4.5/5

Haqqında:

" İSTEDİĞİN ŞEYİ KAZANMAK, SEVDİĞİN HER ŞEYE MAL OLABİLİR. "

Oxuduqca heyran olduğum bir kitab daha. Mövzusu, obrazları, kitabın üz qapağı, nəşri – hər şeyi ilə o qədər gözəl bir kitab idi ki. Heyran olmamaq əldə deyildi.

Kitabı oxumamışdan əvvəl bəzi fikirlər eşitmişdim. Varlı qız, kasıb oğlan sevgisindən bəhs edən bir kitab olduğunu düşünənlər olub. Bu heç də belə deyil. Diqqətlə oxusanız əsas obrazlarımızdan biri olan Arin'in hansı nəsildən gəldiyini ilk başlarda belə görə bilərsiniz.

Belə ki Kersten 17 yaşında hər şeyə sahib Generalın qızı olaraq öz mükəmməl həyatını yaşayır. Arin isə həyatda heç kimə, heç nəyə sahib olaraq başqaları tərəfindən idarə olunur. Hadisələr 10 il sonra, yəni Herranilər üsyanından sonra nələr olduğu ilə başlayır.

Düzü kitabda mənə əksik gələn bir məqam oldu və bunu kitabı oxuyarkən daima hiss edirdim. Herrani döyüşləri ilə bağlı daha çox şey öyrənmək istəyərdim. Çünki düşünün illər əvvəl böyük döyüşlər olub və Valorya'lılar qalib gələrək Herrani'lərin torpaqlarını işğal etməklə qalmır, onların tikdiyi, yaşadığı saray kimi evlərdə yaşamağa başlayırlar. Bu da azmış kimi geridə qalan Herrani'ləri kölə olaraq işlədirlər. Ancaq bizə bu döyüşlərin əsl səbəbini yazarımız açıqlamır. Ümid edirəm ki, seriyanın digər kitablarında bunu daha aydın öyrənə biləcəyik.

Obrazlara gəlincə Arin'i sevməmək əldə deyildi. Kestrel isə çox güclü bir qadın obrazı idi. Düşünürəm ki, bir qadın üçün ən ağır olanı onun qürurunun zədələnməsidir. Lakin Kestrel yaşadığı hadisələrə baxmayaraq ruhu incinsə də daima güclü qalmağı bacarır. Ağlı və zəkası isə başqa bir aləm idi. Atasının da qeyd etdiyi kimi vacib olan döyüşü udmaqdır, necə udmağının isə heç bir əhəmiyyəti yoxdur. Ya gücünlə udarsan, ya da döyüş strategiyalarınla və bu ikincisi Kestrel'da daima işə yarayırdı.

Kitabın sonu isə məni daha çox yaraladı. Belə bir son gözləmirdim. Sonda hönkürərək ağlamaq istəyirdim, ancaq özümü ikinci kitaba saxlayıram.

Ümid edirəm ki, üçüncü kitabın sonu istədiyimiz kimi bitər. Yoxsa buna dayanamam yaaa 😢

Oxumağınızı tövsiyyə edirəm, ancaq məncə bir az da gözləyin seriyanın ikinci kitabı da tərcümə olunsun. Yoxsa sonda mənim kimi özünüzü hündür bir qayadan boşluğa tullanmış kimi hiss edəcəksiniz.

"Kestrel onun nasıl oturduğunu , öne eğildi gibi hayal etti. At arabasının fenerinin ışıltısında nasıl göründüğünü.

"Hayatta kalmak yanlış bir şey değil . Kendini koruduğun sürece onurunu küçük şekillerde satabilirsin. Bir bardak şarabı gerektiği gibi koyabilirsin ve bir adamın içişini izleyip intikamını planlayabilirsin . " Bu sözle birlikte başı hafifçe eğilmişti.

"Büyük ihtimalle uykunda bile komplo kuruyorsundur. "

Bir gülümseyiş kadar uzun bir sessizlik oldu.

"İstediğin gibi komplo kur , Kestrel. Hayatta kal. Ben yaşamasaydım , annemi kimse hatırlamazdı , benim hatırladığım gibi değil .""

Share |

Fangirl - Rainbow Rowell // Kitab Yorumu

Əsas Səhifə Mayıs 07, 2017

Fangirl

Orijinal Adı: Fangirl

Səhifə sayı: 410

Yayınevi: Pegasus

Yazıçı: Rainbow Rowell

Tərcümə edən: Müge Kocaman

Qiymətləndirmə: 4/5

Haqqında:

Hər kəsə salam. Yəqin ki bu kitabı keçən il oxumağa başladığımı bilənləriniz vardır. Deyəcəksinz ki, bəs niyə indi yorumu gəlir? Keçən il kitabı oxumağa başladım və həqiqətən çox sevərək oxuduğum bir kitab idi. Sonra nədənsə kitabı bitirmək istəmədiyim üçün yarımçıq qoydum. Keçdiyimiz ay “mənim bu kitabı bitirməm lazımdı” deyib kitabı yenidən oxuyub bitirdim. Bu dəfə bitirdim, bəli.

Düşünürəm ki, Fangirl’ü məndən başqa hər kəs oxumuşdur. Bu kitab ilk dəfə xaricdə çıxandan üz qapaqlarını çox sevmişdim. Hətta ingilis dilində belə almağı düşünürdüm. Sonra Pegasus yayınları kitabı türk dilinə tərcümə edib nəşr etdirdilər. Onu qeyd edim ki, kitabın üz qapağı kimi tərcüməsi də möhtəşəm idi. Yazardan oxuduğum ilk kitab olmasına baxmayaraq sevərək oxudum.

Mövzusundan bəhs etmək istəyirəm. Belə ki Cath əkizi Wren ilə yeni universitete qebul olur və uşaqlıqdan bəri yaşadığı yerdən köçərək yeni bir həyata başlayır. Wren'in çox sosiyal həyatı olmasına baxmayaraq, Cath utanğaç, həyatının böyük hissəsini Simon Snow heyranı olaraq hekayələr yazaraq keçirir. Əkiz olsalarda xasiyyətləri, zövqləri tamamilə fərqlidir.

Kitabı oxuyarkən bəzi yerlərdə Cath'də özümü görsəm də düzü mən belə bu qədər asosyal biri deyiləm. Bəzi məqamlarda verdiyi ağılsız qərarlarına əsəbləşərkən əslində tam olaraq özümə yaxın bildiyim ilk obrazdır deyə bilərəm. Kitabda daha çox Simon Snow hekayələrini deyil də kitabda keçən digər obrazların həyatını görmək istəyərdim. Özəlliklə də Cath'in ailəsi haqqında daha çox şey öyrənmək istəyərdim.

Kitabda heç sevmədiyim bir şey kitabın sonu oldu. Düzü belə gözləmirdim. Düşünürəm ki, sondakı hadisələr tez-tələsik yazılıb. Başa düşürəm bu yazıçının üslubudur, yəni kitab heç gözləmədiyiniz bir anda elə yerdə bitir ki, nə edəcəyinizi bilmirsiniz. Hətta mənim həmin dəqiqə ürəyimdən keçən şey kitabın sonunu öz istədiyim kimi yazıb tamamlamaq idi. Əsər boyu baş verən böyük hadisələr sonda sanki heç də əhəmiyyətli deyilmiş kimi bir anda həll olur. Bunu bəyənmədim. Həmin hadisələrin gedişatı daha uzun ola bilərmiş deyə düşünürəm.

Əsərdə ən sevdiyim obraz Levi oldu. Həqiqətən saf, hamıya kömək etməkdən bir an belə çəkinməyən biridir. Cath'e dəyər verir və həmişə yanında olur. Kaş belə insanlar dünyamızda daha çox olsa. Hətta Cath Levinin sayəsində problemlərini həll etməyi bacarır. Düşünürəm də, görəsən Levi olmasaydı bizim Cath nə edərdi? Hər kəsə bir Levi lazımdır.

Həmçinin kitabda sevdiyim cümlələr çox oldu. Altından xətt çəkməyə ürəyim gəlməsə də hamısına post-it yapışdırdım. Məncə bütün kitabqurdlarının oxumalı olduğu şirin kitablardan biridir. Oxuyun!

Kitab boyu Cath'in yazdığı Simon Snow hekayəsi ayrıca bir kitab "Carry On" olaraq nəşr olunub. Pegasus yayınları bu kitabı da tərcümə etsəydi oxuyardıq. 😊

See you, babies 😚

Share |

Ateş Serisi - Karen Marie Moning // Seriya Yorumu

Əsas Səhifə Mayıs 03, 2017

"Ateş Seriyası"

“Ateş Serisi”nin 3-cü kitabını oxuyarkən ağlımda 5 kitabı oxuyub bitirdikdən sonra bir yazı yazmaq var idi. Bu ay seriyanı oxuyub tamamladım ancaq siz bir də mənim kitabları oxuyarkənki halımı görərdiz. Ətrafda “Barrons”, “Vlane”, “Ola bilməz!” deyərək gəzirdim. Artıq necə bir istəklə mi deyim, həvəslə mi deyim oxuyurmuşamsa bir də baxdım fantastik kitabları sevməyən podruqam (Sultanım olur kendisi) kitabları pdf olaraq (ebook oxumaqdan da zəhləsi gedir) yükləyib oxumaq istəyir. Eeee Zema burada durmaz. Tez 7 kitabı da ona göndərdim və elə həmin dəqiqə də başladı oxumağa.

Burada yalnız ilk kitabın yəni “Karanlık Ateş” kitabının mövzusundan danışacam. Spoiler vermədən. Sonda bir məqama toxunmaq istəyirəm ki, bu da spoiler olacaq. O hisseye çatanda xəbərdarlıq edəcəm. Əgər 5-ci kitabı oxumamısınızsa o hissəni qəti surətdə oxumağınızı tövsiyyə etmirəm.

Düşünə bilərsiniz ki, niyə sırf bu 5 kitabı birlikdə yorumlayırsan. Çünki yazıçı Karen Marie Moning əvvəl bu seriyanı 5 kitablıq olaraq yazmışdı və tamamlamışdı da. Hətta 5-ci kitabın sonunda böyük hərflərlə “SON” yazıb, ancaq sonra bu qadına nə olubsa artıq başlayıb davamını yazmağa. Hal-hazırda 10-cu kitabı yazılır. Görək neçə kitaba qədər yazmağa davam edəcək.

Kitablar əvvəl Epsilon Yayınlarında türkcəyə tərcümə olunmağa başlamışdı ancaq nədənsə 3 kitabı tərcümə edib dayandırmışdılar. Digər kitabları çıxmadı. Aradan bir az vaxt keçdikdən sonra bu dəfə də yeni tərcümə və yeni üz qapaqları ilə Artemis yayınlarında nəşr olundu. Hər şey əla oldu deyərkən bu dəfə də Artemis əvvəlki 3 kitabı nəşr etdirməyəcəklərini dedi. Hal-hazırda da nəşr etdirmirlər. Buna görə də ilk 3 kitabın kopyasını tapmaq mümkünsüzə yaxındır. Türkiyədə sahaflarda və ya ikinci əl olaraq bəlkə tapa bilərsiniz. Elə mən də bu kitabları keçən il ikinci əl olaraq almışdım, lakin ilk 2 kitabı tapa bilməmişdim deyə onları pdf olaraq oxudum.

Yayın evinin fərqli olmasına görə kitabların tərcümələrində də problemlər var idi. İlk üç kitabı oxuyarkən terminlər və üslub başqa olduğu halda, dördüncü kitaba başladığınız an hər şey dəyişir. İlk səhifədən tərcüməni hiss edirsiniz. Sanki 4-cü kitabı tərcümə edən əvvəlki kitabları oxumadan özü bildiyi kimi kitabı yazıb. O qədər səhvlər var idi ki. Hələ 4-cü kitabdakı “Barrons Kitap ve Süs Eşyaları”nın “Barrons Kitap ve Baloncuklar”ı olması? Sonra da BB&B olması. Baubles sözünü Bubble olaraq mı gördü, yoxsa Barrons kimi qaranlıq bir adamın baloncuq satdığını mı düşündü? “Neyin kafasını yaşıyorsunuz, allah aşkına?” Şükürlər olsun, 5-ci kitabdan bu səhvlər minimuma endirildi. Əgər mövzuya alışıb xırdalıqlara fikir vermədən oxusanız bir çoxu heç gözə batmayacaq.

Kitabların sıralamasını yazmaq istəyirəm, bunu çox soruşursunuz:

*Karanlık Ateş

*Kan Ateşi

*İntikam Ateşi

*Rüya Ateşi

*Gölge Ateşi

*Buz

*Alev

*Ateşten Doğan

MacKayla Lane öz mükəmməl həyatını pembe buludların üstündə yaşayan biridir. Ailəsi və bacısı Alina ilə arası çox yaxşıdır. İlin əvvəlində bacısı Dublinə oxumağa gedər, bundan sonra Mac onsuz çox darıxsa da bunu daima içində yaşamağa çalışar. 6 ay sonra heç gözləmədiyi bir anda bir xəbər alar və bundan sonra mükəmməl həyatının üstünə qara buludlar çökər. Bülə ki bacısı Dublin küçələrinin birində öldürülmüş olaraq tapılır və Mac bu cəsədin bacısına aid olub-olmadığını öyrənmək üçün ora yollanır. Ailəsi tətildə olduğu üçün bunu özü etməli olur. Alinanın cəsədi tamamilə tanınmaz bir haldadır. Ailəsinin və polisin köməyinə baxmayaraq bunu kimin etdiyini tapmaq mümkün olmur və həmin sırada günlər əvvəl, Alinanın öldürüldüyü gecə telefonuna bir mesaj gəldiyini görür. Bu mesajdan sonra cinayəti araşdırmaq üçün Dublinə yola çıxır.

Hadisələr də bundan sonra başlayır. Mac orada kiminlə qarşılaşacaq, tək başına sağ çıxa biləcək mi, Alinanın qatilini tapa biləcək mi? Bütün bunları və daha nələri bu kitablarda oxuyaraq öyrənmiş oluruq.

Kitab Kelt mitalogiyası əsasında yazılıb. Dünyada insanlardan başqa da irqlər yaşayır, ancaq bunları insanlar görə bilməz. Çünki əsrlər əvvəl bizim dünyamız ilə öz dünyaları arasında sədd çəkərək öz yaşamlarını davam etdiriblər və bir səbəbdən ötrü insanlıqla digər irqlər qarşı-qarşıya dayanırlar. Bunu da kitabın sürprizi qaçmasın deyə yazmıram. Mən kitab haqqında heç bir cümlə belə bilmədən oxumuşdum və bu mənim həqiqətən çox xoşuma gəlmişdi.

Mitalogiyalara nə qədər böyük marağım var . Düzü hansı məqamların gerçək, hansı məqamların yazıçının fantaziyası olduğunu bilmirəm, ancaq belə bir kitabı oxumaq belə çox gözəldi. K.M. Moning Kelt mitalogiyası ilə bədii ədabiyyatı qarışdırıb belə gözəl əsərlər ərsəyə gətirib. Yeni dünyalar, yeni məkanlar, qarışıq xarakterlər tanımaq istəyirsinizsə bu seriya tam olaraq sizə görədir.

İlk kitabından etibarən hadisələr bir an belə yavaşlamır. Hər kitabda yeni obrazları tanıyıb yeni hadisələrin şahidi oluruq. Bütün kitabları “Heyecan Dorukta” oxumuşam. Hələ ki fantastik kitablar sevirsinizsə və ya mitalogiyalar heyranısınızsa bu seriya tam olaraq sizə görədir.

Kitabları oxuyərkən bəzi insanların bu kitabları niyə oxumadıqları haqqında səbəblər eşitdim. Bunlardan ən başlıcası kitabların erotik hadisələrlə dolu olduğunu düşünənlərdi. Lakin bu heç də belə deyil. Hətta bu kitablara 13+ belə demək olmaz. Demirəm yoxdur, var, ancaq bu səviyyədə böyüdülmüş şəkildə deyil. Toplasaq 5 kitabda yalnız 2-3 məqamda buna rast gəlmək olar. Kitabların əsas məsələsi fantastiklikdir. Onsuzda kitabları oxuyarkən hansı məqamlarda və niyə erotikliyə toxunulduğunu görəcəksiniz.

Bundan başqa kitablarda o qədər gözəl və mənalı cümlələr var idi ki. Hamısının altından xətt çəkib post-it yapışdırmaq istədim. Bacardığım qədərini etdim. Sevdiyim cümlələri seçib instagram hesabımda paylaşmışdım. Baxmaq istəsəniz buraya tıklayın.

Bir də qısaca olaraq obrazlardan yazmaq istəyirəm:

MacKayla Lane – ilk başlarda kitabı oxuyarkən Mac’ın bəzi hərəkətlərinə qıcıq olduğumu etiraf edirəm. Çünki bu obrazımızın Dublindəki dünyalardan xəbəri belə yoxdu. Yeni bir dünyaya düşmüş insan nə qədər çalışsada bəzi şeyləri qəbul etməkdə çətinlik çəkir, ancaq qızımızın bəzi səfeh düşüncələri, hərəkətləri gözə batmayacaq qədər də kiçik deyil. Yenə də o, bəzi məqamlarda səfeh olsa da çox cəsur biridir, hələ o MacHalo’su. Barrons’u belə güldürə bilmişsə (çünki bizim tanıdığımız Barrons əsla gülməz. Heç vaxt.) deməli bu işi bacarıbdır. Əlbəttə bu sona qədər belə getmədi. Kitablar irəlilədikcə Mac da irəlilədi, dəyişdi və gücləndi. Artıq 3-cü kitaba çatdıqda əvvəlki Mac’la indiki Mac’ın arasında dünyalar qədər ki fərqi görürsünüz. Yenə də maraqlı obraz idi və həqiqətən çox sevdim. Hətta kitab mağazasında işləməyi belə insanı özünə cəlb edir.

2. Jericho Barrons – Ah, Barrons 😍! Nə desəm az. İndi bunu qəbul edim ki, bu adam ilk kitabda tam bir odundu. Dəyişməyini gözləməyin adam son kitaba qədər də odun olaraq qalır. Ancaq adamın hər bir sözü insana necə təsir ede bilər axı, hər hərəkəti. O qədər gözəl idi kiiii. Hətta artıq 5-ci kitabda adamı bağrıma basıb ağlamağım gəldi. Mən bu seriyanı tanımamışdan əvvəl bircə Barrons’un adını eşitmişdim və ilk kitabı oxuyanda öz-özümə həmişə deyirdim ki, bu cür kobud, özünü bəyənmiş birini necə sevmək olar?! İndi başa düşürəm ki, olurmuş. Oxuyanların Barrons’u sevməyəcəyini düşünə bilmirəm. Hələ ki ən az 5 kitabı da oxumusunuzsa onsuzda ona vurulmusunuz deməkdir. Adamın böyük kitab mağazası var yaa. Bu adamı necə sevməyəsən axı?

Bu kitabda bildiyimiz şablon hadisələr yoxdur. Pis oğlan, yaxşı qız temasından tamamilə uzaqdır. Nə də vıcık-vıcık sevgi sözləri, hər kəs tərəfindən qəbul olunmuş özəl günlərin mütləq qeyd edilməsi kimi anlayışlar var.

3. V’lane – nə desəm ki. V’lane insanın ürəyinə getməyin yolunu tapır ancaq daima ikinci planda qalır. O bir Fae. Şəkil dəyişdirərək insanları yoldan çıxarmağı sevən biri. Baş qəhrəmanımız olan Mac’a da necə deyərlər abayı yakmış. İlk kitabı oxuyarkən görəsən onun bu seriyadakı rolu nədir deyə düşünərək bir teori kəşf etmişdim və bu 5-ci kitabın sonunda düz çıxdı. Lazım olan məqamlarda tapılmasa da yenə də bəzi yerlərdə könlümüzü ala biləcək biridir.

4. Rowena – bu qadın üçün tək bir söz bəs edər: NİFRƏT 😈! Oxuyanda biləcəksiniz niyə. Kitablar irəlilədikcə hadisələr də şaxələnir və müxtəlif obrazlar daxil olur. Bunların demək olar ki, çoxunu sevmək olur. Lakin bu qadını sevmək üçün özünüzü asmalısınız.

Hal-hazırda seriyanın 6, 7 və 8-ci kitabları da türk dilinə tərcümə olunub. Artemis yayınları elə bu ay 8-ci kitabı çıxartdı. Məndə 6 və 7-ci kitablar var ancaq bir müddət fasilə verdikdən sonra oxuyacam. Seriyanın bitməsini istəmirəm. Mümkünsə hətta o dünyada sonsuza qədər yaşaya bilərəm.

Hələlik bu qədər. Ümid edirəm ki, sevəcəyiniz bir yazı olmuşdur. Mənə fikirlərinizi yazın. Seriya olan kitabları belə yorumlamağımı bəyəndinizmi? Ən azından sizdə bu seriyanı oxumaq həvəsi yarada bildimmi? 😊

See you, babies 😚

Spoiler!!!

Seriyanı oxuyanlaradı sualım. 5-ci kitabın sonundakı Avcılar niyə əvvəldən Barrons'un ağlına gəlməyib ki? Nədə olsa istədiyi şeyi etmək üçün hər cür yola əl atmışdı.

Share |