Jennifer L. Armentrout - Melez // Kitab Şərhi
Temmuz 06, 2017Melez (Melez Sözleşmeleri #1)
Orijinal
adı: Half-Blood
Yazıçı: Jennifer L. Armentrout
Səhifə
sayı: 340
Tərcümə edən:
Bilge N. Zileli Alkım
Qiymətləndirmə:
4/5 🌟
Nəşriyyat: Dex Kitap
Jennifer L. Armentrout’un “Lux”
seriyasını oxuyub sevə bilməsəm də, bu seriyasına bir şans verim dedim. Nə də
olsa yunan mifalogiyasına əsaslanır. “Melez Sözleşmeleri” 5 kitablıq seriyadır.
Onu da qeyd edim ki, yazıçının digər seriyasına nəzərən bunu daha çox sevdim və
kitablara davam edəcəm.
Kitabda bəhs edilən Hematoi irqi – yunan allahları ilə bəzi varlıqların nəslidir. İki Hematoi
nin uşaqları Safqan olduğu halda, Hematoilər və insanların uşaqları Mələz
olur. Safqan’ların çox özəl gücləri
var, lakin Mələz’lərdə bunlar
olmadığına görə onların həyatlarını davam etdirmələri üçün qarşılarında iki
şansları var: ya ovçu olub iblis avlayacaqlar, ya da Safqanların evində
qulluqçu olaraq işləyəcəklər.
Qızımız Alexandria bir mələzdir. Üç il əvvəl
anası tərəfindən Akit’dən çıxarılaraq insanların yaşadığı dünyaya gətirilmişdir.
Akit – Safqanlar və Mələzlərin birlikdə
təhsil aldığı, bir adada yerləşən məktəbdir.
Hadisələr Alex və iblislər arasında gedən
mübarizə ilə başlayır. İblislər Safqanların və Mələzlərin qanında olan bir maddə
ilə qidalanan şeytani varlıqlardır. Bir iblisin yaranması üçün bir safqanı
çevirmək lazımdır. Belə ki gözləri önündə anasını öldürən iblislərlə döyüşən
qızımız Akit’də öyrədilənləri tətbiq edərək həyatda qalmağa çalışır. Elə bu
vaxtı köməyinə Aiden gəlir.
Aiden Safqan ovçudur və Alex’in ondan
xoşu gəlir. Ancaq qəti qadağan olan bir məsələ var: Safqanlar və Mələzlər arasında bir əlaqə (sevgi) ola bilməz.
Kitab aksiyonlu davam edərkən işin içinə
bir də Apollyon girir.
Apollyon – Allahların seçdiyi Mələz ya da Safqan olan biridir. Dörd elementi
idarə edərək Safqanlardan başqa xüsusiyyətlərinə görə belə üstündürlər. Hətta
beşinci elementə də sahibdirlər. Hər ömürdə bir Apollyon dünyaya gəlir. Bu dəfə
də Apollyon’umuz Seth’dir. Ona qarşı
hisslərim hələ tam deyil, yəni sevdimmi, sevmədimmi əmin deyiləm. Ancaq onu
bilirəm ki, seriyanın növbəti kitablarında hadisələr yaman qarışacaq.
Fantastik janrda olan bir də yunan mifalogiyasından əsinlənən bir kitab oxumaq istəyirsinizsə kitaba bir şans verin.
0 yorum