My Paradise Book: Haziran 2017

May və İyun Ayında Oxuduqlarım // 2017

Bu Ay Nələr Oxudum Haziran 30, 2017

Hər kəsə, salamlar

May ayında oxuduğum kitablar haqqında blogda yazmağa vaxt tapa bilmədiyim üçün düşündüm ki, bu iki ayı birləşdirərək bir yazı yazım. Belə ki may ayında çox yaxşı kitablar oxumuşdum, ancaq iyun ayında imtahanlarım olduğu üçün çox da kitab oxuya bilmədim.

İlk olaraq may ayında oxuduğum kitablar haqqında yazım:

1) Rick Yansey – Son Yıldız 3/5

“5.Dalga” seriyasını nə qədər çox sevdiyimi hər yerdə deyirdim, ancaq artıq seriyanın son kitabını oxuduqdan sonra fikrim tamamilə dəyişdi. Bir son kitab olaraq bu cür sonu olmamalıydı. Sanki yazıçı məhz yad planetliləri bir yerə bağlamaq üçün belə son verib. Bəzi yerlərini sevsəm də, bəzi yerləri hələ də qaranlıq qaldığı üçün sevə bilmədim. Yenə də “5. Dalga” mənim sevdiyim kitablardan biri olaraq qalacaq.

2) Cassandra Clare – Mekanik Prens 5/5

Sadəcə möhtəşəmdi. Yazıçının “Ölümcül Oyuncaklar” seriyasını hələ də oxumamışam. Səbəbi isə oxuyanların çoxu sevmir, əslində ilk kitabın, yəni “Kemikler Şehri”nin filmini izləmişdim və sevmişdim. Ancaq 6 kitablıq bir seriyaya başlamağa qorxuram.

“Cehennem Makinaları” seriyasını isə çox sevirəm. İlk kitabda sevə bilmədiyim obrazlardan olan Will’ə belə bu kitabda aşiq oldum. Uşaq vaxtı yaddaşımıza həkk olunub bizi qorxudan şeylər əslində bəlkə də ömrümüz boyu kabusumuza çevrilə bilər. “Mekanik Prens”i oxuyarkən o qədər ağlamaq istədim ki. Ah, Will.

3) John Steinbeck – Fareler ve İnsanlar 5/5

Bu kitabı çoxdandır ki, kitab rəfimdə oxumaq üçün gözlədirdim. Çünki nədənsə mövzusunu bilməsəm belə elə üz qapağından hiss edirdim ki, məni ağladacaq bir kitab olacaq. Elə də oldu. Nəhayət may ayında kiçik bir cəsarətlə oxumağa başladım və yaşlar gözlərimdən süzülərkən sözlər axıb getdi. Baş qəhrəmanlarımız olan George və Lennie işləmək üçün yeni bir fermaya gedirlər. Tək istədikləri bir az pul yığıb öz torpaqlarını almaqdır. Bu fermada bu xəyyallarını gerçəkləşdirmək üçün bir addım daha atmış olarlar. Ancaq Lennie’nin bəzi istəkləri sonda həmişə onun başını bəlaya soxar. Kitabı oxuyarkən görmüş olduğumuz təkcə Lennie və George’un həyatı deyil. Yeni fermada yaşayan və işləyən başqa bir çox insanların daha həyatlarını oxuyuruq. Həmçinin hələ də günümüzdə təəssüflər olsun ki, öz aktuallığını itirməyən cinsi və irqi ayrı seçkilik məsələlərinə də rast gəlmək mümkündür. İncə bir kitab olmağına baxmayaraq çox sevərək oxuyacağınız bir kitabdır. Oxuyun. Kitabın filmi də çəkilib.

4) Marie Rutkoski – Kazananın Laneti 4,5/5

Sevərək oxuduğum bir digər kitab daha.

Bu kitab haqqındakı fikirlərimi blog’da yazmışam. Əlavə olaraq onu qeyd edim ki, seriyanın ikinci kitabı da artıq satışdadır. Hələ də oxumamısınızsa ikisini birlikdə alıb oxuya bilərsiniz.

5) Murad Cəfərov – Bir Cüt Qanad 4/5

Deyəsən blogda ilk və tək Azərbaycan dilində oxuyub haqqında fikirlərimi yazdığım bir kitabdır. Nə deyirik? Davamlı olsun.

May ayında oxuyub çox sevsəm də vaxt tapıb haqqında fikirlərimi yaza bilmədim. Son vaxtlarda öz dilimizdə, öz yazıçılarımızdan oxuduğum ilk kitab olduğunu qeyd etsəm yeridir. Düzünü desəm kitaba qorxu ilə başlamışdım. Dilinin məni yoracağını, bəyənməyəcəyimi düşünürdüm, ancaq elə olmadı. Həm dili çox axıcı idi, həm də mövzusu çox maraqlı idi.

Bir gün baş mələk Uriel cəhənnəmə gəlir və burada günahkarlardan birinə bir iş təklif edir qarşılığında isə bir cüt qanad verəcəyini deyir. Əlbəttə ki belə bir təklif qarşısında bizim günahkarımız işin nə olduğunu soruşmadan qəbul edir. Sonra isə hadisələri baş qəhrəmanımız olan bir qızın ağzından oxuyuruq. (qızın adını unudub baxmağa da ərinən bir ədəd Zema).

Belə ki qızımız bir gün gözünü bir xəstəxanada hər şeyi unutmuş bir şəkildə açır. Bəzi səslər eşidəndə düşünür ki, həqiqətən də dəli olub. Ancaq işlər düşündüyü kimi getmir.

Mələklərlə bağlı fantastik kitablar oxumağı sevirsinizsə bir şans verin. Mən sevərək oxudum. Klişeləri olmağına baxmayaraq, gözəldi. Oxuyuuuun!

6) Sylvia Day – Sana Soyundum 3/5

Çoxdandır ki, bu seriyaya başlamaq istəyirdim. Nəhayət may ayında pdf olaraq yükləyib oxudum. Erotik romansdır, bəri başdan deyim. Mənim üçün ortalama bir kitab oldu. Baş qəhəmanlarımızın hər ikisinin qüsurları var idi. Yəni bu o deməkdir ki, möhtəşəm olaraq gözümüzdə böyütdüyümüz obrazlar əslində heç də möhtəşəm deyil. Ancaq bəzi məqamlarda Eva məni o qədər sıxdı ki, artıq bezdim. Yarımçıq qoymaq istəmədiyim üçün oxuyub bitirdim. Gideon Cross’a aşiq olmamaq əldə deyil.

Qeyd edim ki, seriya 5 kitabdan ibarətdir. Bir ara hətta belə bir söz də yayılmışdı ki, seriyanın filmi çəkiləcək. Ancaq hələ də bir xəbər yoxdur.

7) Albert Camus – Yabancı

Bu kitab haqqında nə yazsam hələ də bilmirəm. Fikirlərim hələ də tam yerinə oturmayıb. Səbəbi isə baş obrazımızın vecsizliyə olan bağlılığıdır. Əslində başqalarına nisbətən hər şeyə reaksiya verməyən biri olaraq onu başa düşmək mənim üçün o qədər də çətin olmamalı idi. Ancaq deyəsən elə buna görə də başa düşməməyi seçdim.

Bir insanın hər şeyə qarşı necə vecsiz olmağından bəhs edir. Düşünürəm ki, oxuyub hər kəsin özü bir nəticə çıxamağı daha yaxşıdır.

8) Ray Bradbury – Fahrenheit 451 4/5

Yazıçının daha əvvəl bir hekayəsini oxuyub çox bəyənmişdim. Elə buna görə də bu kitabını da oxumağı çox istəyirdim. Nəhayət bu ay Fahrenheit 451 ə başladım. Heç düşündünüzmü görəsən bu sözün mənası nədir? “Fahrenheit 451”. Bu kitabların yanma dərəcəsidir. Kitabın ilk cümləsindən bu açıqlanır. Hadisələr əslində hər kəsin xoşbəxt yaşadığı bir yerdə keçir və burada insanlar öz xoşbəxtliklərini dünyanın qalan hissələrindən xəbər almadan, kitabları yandıraraq yaşayırlar. Bir düşünün, dünya yox olduğu bir dönəmdə bizim ölkədə ancaq xoş xəbərlər verilsəydi, informasiya məqsədi ilə alınan məlumatlar yox olsaydı. Kitablar olmasaydı. Nədə olsa insan düşünməsə, öyrənməsə daha xoşbəxt yaşaya bilər, elə deyilmi?

Kitabda ən az gördüyümüz obrazlarından biri olan Clarissa’nı elə ilk cümləsindən çox sevdim. Nədə olsa bizə ən yaxın gələn o idi.

Sadəcə oxuyun.

9) Julie Cross – Fırtına 4/5

May ayını son kitabı da bu oldu. Çox sevərək oxudum. Kitabı oxumamışdan əvvəl kitab haqqında bildiyim sadəcə olaraq zamanda səyahətdən bəhs olunduğu idi. Fantastik janrda bir kitabdır. Əminəm ki, mənim kimi timetravel sevənlərin sevərək oxuyacağı bir kitab olacaq. Adicə kitabın arxa hissəsində yazılan qısa cümlələr belə oxumaq üçün özündə maraq yaradır.

“ Günümüzde Jackson ve Holly birbirine sırılsıklam aşık.

Gelecekte Holly, Jackson’ın kollarında can verecek.

Geçmişte Jackson kaderi değiştirmeli.”

Seriya üç kitabdan ibarətdir. Məndə sonuncu kitab olmasa da tezliklə əldə etməyi planlayıram. İkinci kitabı tezliklə oxumaq istəyirəm, çünki elə yerdə bitdi ki, həqiqətən heç gözləmirdim.

İndi isə keçək iyun ayında oxuduğum kitablara. Biri pdf olmaqla 4 kitab oxudum:

1) Pepper Winters – Tess’in Gözyaşları 4/5

Bu kitabı imtahan ərəfəmdə bir az dincəlmək üçün oxumuşdum. Kitab erotik janrdadır. Mövzusundan bir az yazmaq olarsa Tess bir gün sevgilisi ilə tətilə gedir. İndi bu qızı həqiqətən başa düşə bilmirəm. İnsan necə olar da başqasına görə özü istəklərindən əl çəkər. Bu arada elə buna görə də sevgilisini də başa düşməmişdim. Daima öz istəklərinə önəm verərək qızın arzularını görməzdən gəlirdi. Nəysə, getdiyi tətildə biriləri tərəfindən qaçırılır və bundan sonra həyatı tamamilə dəyişir. Klişeliklərdən uzaq bir kitab olduğunu da qeyd edim. Çünki “Fifty Shades of Grey”dən gördüyümüz BDSM burada da olsa da, mövzusu, xarakterləri tamamilə fərqli tərzdə idi.

Bu əslində Bella’nın “Mən vampir olmaq üçün doğulmuşam” dediyi halda, Elena Gilbert’in vampir olduqdan sonra oturub ağlaması kimidir. Yəni Ana BDSM’ni nə qədər istəmirdisə, Tess bir o qədər ona doğru can atırdı.

Kitabdakı Q obrazını hələ anlaya bilməsəm də, etdiyi işlərlə kitabın sonunda qəlbimi qazandı. Seriya üç kitabdan ibarətdir, ancaq yalnız iki kitabı türk dilinə tərcümə olunub və “Arkadya Bitter” nəşriyyatı bağlandığına görə üçüncü kitab gəlməyəcək. Buna görə də seriyanı pdf olaraq yükləyib oxudum. İkinci kitabı da oxuyub sevsəm son kitabını ingilis dilində oxuyaram.

2) Jojo Moyes – Senden Sonra Ben 4/5

Yenidən Louisa’nı görmək çox gözəl idi. Will’dən sonra düşünürdüm ki, kitabı oxumaq maraqsız olacaq, ancaq heç də elə olmadı. İlk kitabı sonunu bilərək oxumuşdum, bu kitabda isə heç bir şey gözləmədən oxudum və çox sevdim. Əgər ilk kitabı oxuyub bəyənmisinizsə bu kitabı da oxuyuuun.

Xəyalımızda sarı xəttli corabları ilə Paris küçələrində hər kəsə o pozitiv enerjisini göndərərək gəzən bir Lou qalmışdı. Ancaq bu kitab sayəsində əslində hər şeyin bu qədər asan olmadığını görürük.

Kitabdakı yeni obrazlara başlarda isinə bilməsəmdə sonda çox sevdim.

3) Benokız – Sevgiler Benodan 4/5

Daha əvvəldən instagramda @benonunblogu hesabını izləyirdim. Aranızda takib edənləriniz varsa bilirsiniz ki, Beno heç gözləmədiyi bir anda xərçəng xəstəliyinə tutulmuşdu. Ancaq buna baxmayaraq daima şükür etdi, xəstəliyini ona verilmiş bir imtahan kimi qəbul etdi və ona boyun əyməyərək qalib gəlir. Bundan sonrada həyatında olanlarla bağlı bu kitabı yazır. Kitabın başlarından göz yaşlarımı tuta bilmədim. Hətta imtahan ərəfəsində oxumağa başlamışdım, ancaq baxdım hər cümləsinə ağlayıram qoydum bir qırağa. Bu kitaba bir kitab olaraq deyildə bir gündəlik olaraq yanaşsanız çox sevərsiniz. Kitabın hər səhifəsində Benonun şükürləri əksik olmadığı üçün qəlbinizə isti bir hiss yayılır. Yeri gələndə ağlasanız da, yeri gəldiyində bəxş etdiyi hisslər insanı xoşbəxt edir.

Bəzi günlərdə açıb vərəqləyərək xoşbəxtlik tapa biləcəyiniz bir kitabdır.

4) Victor Hugo – Bir İdam Mahkumunun Son Günü

Bu kitab haqqında nələr yazmalı olduğum haqqında heç bir fikrim yoxdur. Çox sevərək oxudum. Həm ön sözü ilə, həm də hekayənin özü ilə insanı çox düşündürür. Kitab ölüm cəzasına qarşı çıxıldığı bir dövrdə yazılmışdır. Əlbəttə o dönəmlərdə hökümət günahkarlara çox ağır işgəncələr verməklə yanaşı ölüm cəzasını çox rahat və asan bir şəkildə tətbiq edirdi. Buna görə də dövrün ən görkəmli insanları buna qarşı çıxaraq əsərlər yazmağa başlayırlar ki, “Bir İdam Mahkumunun Son Günü” də belə əsərlərdən biridir. Edama məhkum olan bir insanın həyatını oxuyuruq. Çox dəyişik tərzdə kitab olmağına baxmayaraq düşünürəm ki, verilmək istədiyi mesaj çox düzgün idi. Oxuyun, dili klassik olmağına baxmayaraq asan idi.

Bu ay oxuduqlarımdan bu qədər. Ümid edirəm sevərək oxuduğunuz bir yazı olmuşdur. Siz bu ay nələr oxudunuz? Fikirlərinizi yazmağı unutmayın.

Share |

Kitab Alışverişi #6

Haziran 30, 2017

İyun Ayında Aldığım Kitablar

Çoxdandır ki, blog da kitab alışverişi yazısı yazmırdım. Hazır iyun ayında kiçik bir alışveriş etmişkən bu yazını yazmağın tam vaxtıdır, deyə düşündüm. Bu aykı kitabların bir qismini kitab mağazalarından aldım, digər qismini isə bybookbaku və elmakitab’dan sifariş etdim.

Bu ay ilk olaraq aldığım kitab çoxdandır ki, siyahımda olan “Gözlerinin Esareti” oldu. Tarixi eşq deyiləndə mənim üçün axar sular durulur. Çünki çox çox sevirəm. Bu kitabı da çox sevərək oxudum. Siz də oxuyun.

İki azərbaycan dilində kitab aldım. Coşqun Kərimovun kitablarını son vaxtlarda oxuyanların çoxu tərifləyincə nəhayət bu ay almağa qərar verdim. “Kvan” və “Ubuntu”. Aranızda bu kitabları oxuyanlarınız varsa fikirlərinizi gözləyəcəm.

Gördüyünüz kimi nəhayət çox istədiyim iki seriyanı aldım. “Kızıl İsyan” seriyası çıxdığı andan bəri mənə "oxu! oxu!" deyirdiniz, sevəcəyimi bildiyim üçün seriyanın bütün kitablarının yazılıb nəşr olunmasını gözləyirdim. Ona görə də almamaqda dirənirdim. Finally, bu ay aldıım. Artıq inşəallah bir ara oxuyaram. Nə də olsa oxumamaq üçün bir səbəbim də qalmadı.

“Ruhlar Üçlemesi” seriyasını həmişə Pegasus yayınevinin səhifəsində görürdüm və mənə maraqlı gəlirdi. Doğrusu elə də çox sevənlərini görmədiyim üçün heç oxumağa yanaşmırdım. Ancaq həmişə üz qapaqları və adları ilə çox diqqətimi çəkirdilər. Keçdiyimiz ay yorumlarına güvəndiyim biri oxuyub çox sevərkən artıq mənim də oxumağımın vaxtı gəlib çatıb deyə düşündüm. Kitablar da maşallah nə boyda olduqları üçün düşünürəm, artıq bu yay oxumasam qalacaq. Ümid edirəm ki, oxuya biləcəm.

Bu arada bu iki seriyanı instagramda bybookbaku səhifəsindən endirimlə əldə etmişəm. Hal-hazırda da endirimlər davam edir. İstəsəniz bir baxın.

Digər bir alışverişimi isə elmakitab'dan etdim. Bu kitablara qovuşmaq üçün nə qədər gözlədim bir bilsəniz. Sarah J. Maas’ın “Cam Şato” seriyasını oxumamışam. Sağolsun Dex yayınevinin qapaqları. Xaricdə orijinal qapaqları çox gözəl olduğu halda türk dilində nəşr olunarkən istifadə edilən qapaqlar çox iticidir. İnsanın oxumaq istəyini öldürür.

Ancaq “Dikenler ve Güller Sarayı” seriyasının möhtəşəm orijinal qapaqları ilə oxumamağa bir bəhanə qalmır. Bu arada bu kitabları alarkən fikir verdim də çoxdandır ki, Dex yayınevinin çıxardığı kitabları almırdım. Səbəbi isə kitabların kağızlarıdır. Qəzet kağızlardan istifadə edirlər ki, bu da çox nazik olur.

Bildiyiniz üzrə Arrival filmindən sonra türk dilinə “Geliş” kitabı tərcümə olundu. Filmi nə qədər çox sevidiyimi yazsam az olar. Bildiyim qədəri ilə film bu kitabda olan bir hekayədən götürülüb. Hələ oxumadığım üçün bir şey deyə bilmirəm. Siz oxudunuzmu bu kitabı? Bəs filmi izləməyənlər hələ də qaldımı? Qalmasın, gedin izləyin!

Son olaraq bir də yeni çıxan kitablardan olan “Yıldızlara Sarılı Kraliçe”ni aldım. Səhv etmirəmsə Hind mifalogiyası əsasında yazılıb. Oxumaq üçün səbirsizləndiyim bir kitab daha.

“Son olaraq” yazdıqdan sonra ağlıma aldığım bir kitab daha gəldi. Nigel Warburton’dan “Felsefenin Kısa Tarihi”. Sokrat’dan tutmuş Peter Singer’ə kimi bütün filosofların fəlsəfi düşüncələrini bütün insanların başa düşəcəyi bir dildə qələmə alıb.

Mənim bu dəfəki alışveriş yazım bu qədər. Ümid edirəm, sevərək oxumusunuzdur.

Share |

İyun Ayında Nələr Olur?

Əsas Səhifə Haziran 30, 2017

Hola

İyun ayında nələr olur postunu yazıb yazmamaqda qərarsızdım, çünki keçən aylara nisbətən bu ay imtahanlarım olduğu üçün dolu-dolu yaşaya bilmədim. Ancaq aranızda bu yazını səbirsizliklə gözləyənlər varmış, mən də yazıram.

İlk olaraq bildiyiniz kimi bu ayın 20 gününü imtahanlarıma hazırlaşaraq keçirtdim. Hətta instagram hesabımda #20gündayanmadan həştəgi ilə imtahana hazırlıq postları paylaşdım. Onu da deyim ki, bu imtahan ərəfəsində sizdən gələn xoş mesajlarınıza görə çox təşəkkür edirəm. Əsas olan bir-birimizə motivasiya verməkdir. Hətta çoxlarınız məni etiketləyərək imtahana necə hazırlaşdığınızı belə qeyd edirdiniz. Çox sağolun.

P. s. Əgər imtahan postlarımla sizi yordumsa “sorry, not sorry.” 😅

Bu ay imtahanlardan sonra Sultanım'la bunu qeyd etməyə getdik. "Paul" kafesini çox sevirəm. Adı kimi özü də çox şirin və qəşəng yerdir. Əgər getməmisinizsə "28 Mall"da açılıb. Oradakına gedə bilərsiniz. Adətim üzrə bu dəfə də Jasmine çayı içdim. Artıq getdiyim hər yerdə içdiyim təkcə bu çay olur. Nədənsə əvvəllər qəhvə sevirdimsə, indi isə çayı çox sevirəm. Bunun da Londondakı bir xatirəmlə əlaqəsi var.

Londonda olanda qrupumuzda bir qız var idi - Nigar. Nə vaxt baxsam çay içirdi, dəhşət çox sevirdi çayı. Elə bu xasiyyət də ondan mənə keçib. Ondan sonra mən də qəhvə yerinə Starbucks da belə çay alıram. (bir də soyuq qəhvə)
Həmçinin mənim ən çox sevdiyim piroq almalıdır. Özsüt'a getsəniz almalı tartlarından yeməyi unutmayın.

Bu ay Bakı Musiqi Akademiyasına getdim. Bacım orada oxuyur. Nədənsə adi qıraqdan belə bu binanı çox sevirəm. Xusüsilə də böyük pəncərələrə qarşı çox böyük sevgim var.

Özüm uşaq vaxtında pianino məktəbinə getsəm də sonra davam etdirmək istəmədim, ona görə də başqa sahə üzrə oxuyuram.

Hələ də arada açıb pianinoda ifa etməyi sevirəm.

Bildiyiniz üzrə bu ayda Ramazan Bayramı oldu və bu 5 günlük bayramda Qazax rayonuna getdim. Onu da qeyd edim ki, anam tərəf qazaxlıdır. Uşaqlığımda hər yay 3 aylıq ora gedirdik, ancaq böyüdükcə artıq getməyə vaxt olmurdu.

Əgər Qazağa gəlsəniz ilk olaraq “Damcılı”ya gedin, sonra isə “Göyəzən”ə. Qazağın ən sevdiyim yanı dağların arasında, yaşıllıqlarla dolu olmağıdır.

Bu ay bir də bəzi izlədiyim filmlərdən yazmaq istəyirəm.

İlk olaraq ayın əvvəlin “BeforeI Fall” filmini izlədim. Kitabını illər əvvəl oxuyub sevmişdim, ancaq nədənsə haqqında çox şey xatırlamırdım. Filmi də çıxanda izləmək istədim. Filmi doğurdanda çox sevdim. Həyatda yalnız bir gününüz olsaydı nələr edərdiniz? Ancaq bu bir günü ömrünüz boyu hər gün yaşasaydınız. Eyni səhnələr, eyni insanlar, eyni hadisələr. Samantha bir gününü doya-doya yaşayır, ancaq gün heç də gözlədiyi kimi sonlanmır və səhərisi günü yenə eyni hadisələr baş verir. Bunu səbəbini hər gün axtarsa da tapa bilmir. Nəhayət filmin sonunda bunun niyə baş verdiyini bilirik. Doğurdan təsir edici bir film oldu. Bir növ həyatınızın son gününü yaşayırsınız. Zoey Deutch aktrisalığını da çox bəyəndim. İzləməmisinizsə bir şans verin.

“Pretty Little Liars” serialını ilk çıxdığı andan bəri izləyirdim. 7 il teoriyalar kəşf edərək məşhur “A”nin kim olmağını axtarıb tapmağa çalışdıq, bu dəfə də qarşımıza “A.D.” çıxdı. Serial əvvəlki həyəcanında olmasa da hadisələr fərqliləşdiyi üçün izləməyə davam etdik və keçdiyimiz il serialın son bölümləri çəkilib qurtardı, ancaq sezon finalında olduğu üçün bu dəfə də aprelə qədər gözlədik. Nəhayət bu ay son final bölümünü də izlədik. Normal seriyalardan fərqli olaraq bu bölüm bir saat yarım oldu və yaradıcımız Marlene King bütün suallarımıza bu bölümdə cavab tapa biləcəyimizi demişdi. Tam olaraq elə oldu deyə bilmərəm. Bir çox şeyin üstü açıldı, ancaq hələ də sual altında qalan çox hadisələr oldu.

Spoiler verməyəcəm final bölümü haqqında. Sadəcə onu demək istəyirəm ki, serial boyu “A”nin sonra “A.D”nin kim ola biləcəyi ilə bağlı o qədər teoriyalar yaradılmışdı ki, hətta yadımdadır bir çoxları bildiyiniz həyatının böyük bir hissəsini buna həsr edib üstündə nə qədər işləmişdi. Əlbəttə ki sonda bu teoriyalardan biri düz çıxdı və bildiyin bir şey olanda istədiyin dadı ala bilmirsən. Ona görə də final bölümü sevməyən çox oldu. Mənim üçün ortalama bölüm oldu, çünki son bölümlər o qədər aşağı səviyyədə idi ki, belə bir şeyə hazır idim. Təəccübləndimmi? Bəli, gözləmədiyim hadisələr var idi, ancaq həmçinin mənə mənasız gələn çox hadisələr var idi. Xüsusilə də bu “...... külləri həmişə mənimlə olacaq” hissəsi doğurdan mənasız oldu. Yəni, manyaksan? Bir də o qədər şey et sonda yenə də tutulma.

Məsələn, demişdilər ki, anaların zirzəmidən necə xilas olduqlarını göstərəcəklər o da olmadı. Sadəcə bir cümlə keçdi o haqqda.

Ümumi olaraq həqiqətən bu serial mənim üçün çox şey ifadə edir. Ən çox sevdiyim bölümləri Halloween bayramına özəl çəkilənlərdir. Arada açıb-açıb baxıram.

Bir şey də etiraf edim. Bir ara hamı kimi mən də qırmızı palto almışdım və o, keçən il artıq balaca olduğu üçün daha geyinmirəm.

Qızların böyüyüb dəyişmələrini görmək həmişə ən favorim olacaq.

👑Troian Bellisario ... Spencer Hastings

👑Ashley Benson ... Hanna Marin

👑Lucy Hale ... Aria Montgomery

👑Shay Mitchell ... Emily Fields

👑Sasha Pieterse ... Alison DiLaurentis

Adicə aktyorları belə sevməmək əldə deyil. İlk bölümdən necə bir inkişaf keçirtdiklərini görmək bəs edir. Həyatımın bir parçası oldunuz, qızlar.

Sonda hələ də bu serialı izləməmisinizsə spoiler yemədən izləyin. Hazır yay tətilindəyik, boş vaxtlarınızda izləyin.

İyun ayında fərqli bir serial izləmək istədiyim üçün “Reign”ə başladım. Düzü iki bölüm izlədim. Mənə mövzusu bir az uşaq kimi gəldi, yəni çox sadə idi. Bəzi qeyri-adi hadisələri oldu ancaq hələ o qədər də cəlb etmədi. Hadisələr 16-cı əsrdə şotlandiya kraliçəsi Mary nin həyatından bəhs edir. Ortalarda sirli şeylərdə baş verir. Yəqin ki avqust ayında davam edəcəm deyə düşünürəm. Ya da etməm. Bilmirəm xoxoxoxo. 😂

Ayın ən çox sevdiyim filmi "The Mummy" oldu. Tom Cruise’un baş rolda oynadığı bir filmdir. Uşaq vaxtı ən böyük arzum arxeoloq olmaq idi, ona görə də belə filmləri, kitabları çox sevirəm.

Filmin ümumi movzusu, dialoqları çox yaxşı idi. Aktyorlardan da gözlədiyimiz effekti görürdük. Mumiya sevərlər, izləməmisinizsə izləyin

İyun ayında izlədiyim filmlər və seriallar deyəsən bu qədər. Ümid edirəm ki, yenə yadımdan nəsə çıxmayıb.

Fikir verdim də 1D qrupu parçalandıqdan sonra qrup üzvləri ayrılıqda qəşəng musiqilər çıxardırlar. Bu ayın favorilərində Harry Styles - Sign of the Times, Liam Payne - Strip ThatDown, Niall Horan - Slow Hands, ZAYN - Still Got Time, ZAYN - LIKE I WOULD (bu adam nə mahnı yazsa bu qədər möhtəşəm olmalıdır?). mahnıları var.

David Guetta ft JustinBieber - 2U mahnısına hər gün nə qədər qulaq asıram artıq özüm də bilmirəm.

Miley Cyrus – Malibu deyəsən bu qızın son vaxtlarda yazdığı ən super mahnılardandır.

Və bu ayın ən ən ən çox dinlənəni Conor Maynard və Pixie Lott’un oxuduğu Despacito mahnısı oldu. Hər gün dəfələrlə dinlədim, hətta bacıma belə sevdirdim.

Sizin ayınız necə keçdi? Nələr izlədiniz, qulaq asdınız? Fikirlərinizi gözləyirəm.

Bu arada mənə izlədiyiniz filmlərdən və seriallardan, hətta dinlədiyiniz musiqilərdən tövsiyə edin.

Bonus: Mən