My Paradise Book: 2016

Dekabr Ayında Nələr Olur?

Əsas Səhifə Aralık 31, 2016

Hola, millət. ✋

Necəsiniz? Artıq dekabr ayı da qurtarır. İlin son ayı sizin üçün necə idi? Bu ayda nələr etdiniz? Ümidvaram ki, ayınız çox gözəl keçib. Mənim ayım da dopdolu, qaçahaqaçlı keçdi. Heç ayın hardan başladığını bilmədən bir də onu gördüm ki, bitdi. Yenə də bu ayda bütün işlərimi qaydasına qoydum, bircə blogdan başqa. Daha çox yazı gələcəyini demiş olsam da nədən yazacağımı bilmədim. Buna görə də heç bir yazı gəlmədi.

Buna baxmayaraq bu ayda nələr etdiyimi sizlərlə bölüşmək istəyirəm. İlk olaraq onu qeyd edim ki, bu ay bir dənə kitab oxudum, ancaq çoxlu fərqli mövzularda filmlər izlədim və hər birini çox sevdim. Düzü mən o qədər də film izləməyi sevmirəm, çünki filmlərin çoxu kitabların əsasında çəkilir. Düşünürəm ki, kitablar filmlərə nəzərən daha zəngindir. Nədə olsa bəzi filmlərdə kitabın hər hissəsi əks olunmur. Bütün bunlara baxmayaraq bu ay ingilis dili müəlliməmin tövsiyyəsi ilə çoxlu filmlər izlədim. Onlardan bu yazımda bəhs etməyəcəm. Bu haqqda əlavə olaraq başqa bir yazı yazmaq istəyirəm.

Keçək dekabr ayına. Dekabr ayı hamı üçün yorucu bir aydı. Çünki oxuyanlar üçün sərbəst işlər, imtahanlar, son qiymətləri almaq qorxusu hər gün bir az daha artır. İşləyənlər üçün isə ilin son ayı olduğu üçün daha çox iş görmək lazım olur. Keçən ayda bəhs etdiyim kimi bu ay sərbəst işlərimi təhvil verdim, dərslərlə bu smestrlik sağollaşdım ancaq əlbəttə ki qarşıdan bizi uzun və böyük bir imtahan sezonu gözləyir. Bu arada hamıya uğurlar imtahanlarda. İndi isə sizi bu sıxıcı girişlə yorduqdan (sorry 😥 ) sonra keçək ayın gözəlliklərinə.

Ayın ilk həftələrində çoxda qeyri-adi hadisələr olmadı (“qeyri-adi” deyərkən nəyi nəzərdə tuturam görəsən.. Həyatım hər daim aksionlu keçdiyinə görə sakit kəçəndə narahat olmağa başlayıram xxoxoxox. Şaka-Şaka siz bunun əksini düşünün 😉 ).

Ayın 25-i səhər bir az gec də olsa yolkamızı qurdum. Bacım xəstələndiyi üçün bu il mən tək qurdum. Yenə də yaxşı oldu (məncə 😳). Axşam da Kirxada konsert var idi, ora getdim. Bakı Musiqi Akademiyasının uşaqları yeni ilə görə konsert verirdilər. Çox bəyəndim. Arada belə dəyişikliklər yaxşıdı. Oradan çəkdiyim və xoşuma gələn videoları sizlərlə bölüşmək istəyirdim ancaq nədənsə blogger ə video yükləyə bilmədim. Blog dəyişəndən sonra belə olub. Baş aça bilmirəm ki niyə 😦

Bu ay kinoteatra getməyə çoxda vaxtım olmadı, halbuki gedib baxmaq istədiyim bir neçə kino var idi. Bircə “Passangers” filminə getdim və çox sevdim. Sci-fi filmlərini sevənlərə tövsiyyəm baxmağa dəyər. Yenə də filmdən çox şeylər gözləməyin. Mən çoxdandır ki, bu filmi gözləyirdim və sonunu elə düşünməmişdim. Dediyim kimi normal gözləntilərlə filmə getsəniz sevərsiniz deyə düşünürəm.

Son həftə artıq dərslərimiz də qurtardığına görə gəzmədiyimiz yer qoymayaq dedik və turist kimi şəhərimizi ekskursiyaya çıxdıq. Birinci gün filmə getdikdən sonra, ikinci gün də kitab mağazalarını gəzdik. Onu da qeyd edim ki, hal-hazırda kitab mağazalarında çox yaxşı endirimlər var. Bu günlərdə yaxınlarınıza və elə özünüzə də gedib kitab hədiyyəsi ala bilərsiniz. Elə kitablardan söz açılmışkən bu ay aldığım yeni bebeklərimi sizinlə tanış etmək istəyirəm 💘😍

İlki kitabevim.az’dan aldığım “Fahrenheit 451” kitabıdır. 20% endirimindən aldım. Ancaq hal-hazırda mağazada 40% olan türk dilində kitablar da var. Yolunuz düşsə gedib bir baxın. İngilis dili müəlliməm Ray Bradbury’dən bir kitab oxumağımı tövsiyyə etmişdi. Mən də bu kitabını çoxdandır ki, oxumaq istəyirdim. Ucuzdu və endirimdə də tapmışkən alım dedim.

Ali & Nino’da gəzərkən təsadüfən tapdığım Stefan Zweig kitabı “Olağanüstü Bir Gece”. Yazarı nə qədər çox sevdiyimi artıq bilirsiniz. Artıq adət halını alıb deyəsən çünki fikir vermisinizsə hər dəfə kitab alış-verişi edəndə bir Zweig kitabı qarşıma çıxır 😂

Bir digər Ali & Nino’dan aldığım kitab “Aldous Huxley – Cesur Yeni Dünya” oldu. Bu kitab siyahımda çoxdandır ki, var idi. Bookaholictr səhifəsinin yazarı Burcunun sevdiyi kitabdır və hər dəfə tövsiyyə edirdi. Almasam olmazdı 😊

Sonuncu bu ay aldığım kitab isə Işılca dan “Kan ve Aşk” oldu. Kitab siyahımda idi və yarmarkada təsadüfən 3 Alma kitab evində görüb və elə təsadüfən də qiymətini şoruşduğum, eşidər-eşitməz tez “bəli, alıram” dediyim bir kitab oldu. Həqiqətən bu qədər ucuza gözləmirdim 😁 kitabı göydə qapmış kimi hiss edirəm xixixi.

Bu ay təsadüflər nəticəsində qarşıma çıxıb aldığım kitablar bunlar idi. Sizlər bu ay hansı kitabları aldınız? Nələr oxudunuz? Fikirlərinizi mənimlə bölüşməyi unutmayın.

Harda qalmışdım? Hə, üçüncü gündə. Üçüncü gün dərsimiz yox idi, biz də (biz deyərkən Həlimə və mən xixix) səhər saat 8 dən şəhəri gəzməyə çıxdıq. İçərişəhərə getdik. Əslində Həli içərişəhərdəki Retro bookshop mağazasını axtarırdı ancaq nə qədər gəzsəkdə tapa bilmədik 😡. Bəlkə təsadüfən tam olaraq harada olduğunu bilərsiniz?

İçərişəhərdə gəzərkən “Minatür Kitab Muzeyi”nə rastladıq. İlk dəfə idi ki ora gedirdim. Çox xoşuma gəldi. Salaxova Zərifə xanımın həvəskar olaraq dünyanın müxtəlif yerlərindən yığdığı miniatür kitablara istəyənlər gedib baxa bilər. İş günləri 2 – 7-ci günlər saat 11:00 dan 17:00 qədərdir. Gedin baxın, orada işləyən xanım da kitablar haqqında çox maraqlı məlumatları bizlərlə paylaşdı. Oradan çəkdiyim şəkilləri sizlərlə də bölüşmək istəyirəm.

Bu kitab evində hər ölkənin özünə məxsus ədəbiyyatı var. Sevdiyiniz yazarların miniatür kitablarını burada görəcəksiniz.

Dünyanın ən balaca kitabı hesab olunur. Gördüyünüz kimi mikroskopla oxunur ancaq.

Baxın orada hansı kitabı tapdım original dilində “O Pequeno Principe”. Çox qəşəng deyil mi sizcə də? İçi belə rəngli-rənglidir.

Son olaraq üçüncü gün o qədər gəzməklərdən sonra Nutellanda getdik. Gedib çay içməyi unutmayın. Yorğunluğunuzu atmaq üçün ən yaxşı üsul çay içməkdir. 😋

Dekabr ayında olanlar bu qədər idi. Ümid edirəm ki, bu yazımı bəyənərsiniz. Həmçinin sizi və yaxınlarınızı bu gözəl bayramlar münasibəti ilə təbrik edirəm. Bol kitablı, hüzürlu və xoşbəxt bir il keçirmək diləyi ilə. 🎄🎅🎇

See you, babies 😗

P.s. axır ki bloggere də emojilər gəldiii 😎

Share |

Bu Ay Nələr Oxudum və Noyabr Alış-verişim // Kitab Alışverişi #5

alışveriş Aralık 01, 2016

Hola, millət!

Necəsiniz? Artıq noyabr ayı qurtardı və dekabr gəldi :) . Ümid edirəm ki, dekabr ayı hər kəs üçün bol kitablı, pozitiv və möhtəşəm keçər. Noyabr ayı mənim üçün çox yaxşı keçdi. Hər gününü dolu-dolu yaşadım. Təəsuratlarımın çoxunu da sizlərlə bölüşdüm. Əgər hələ də "Noyabr Ayında Nələr Olur" başlıqlı yazımı oxumamısınızsa onda elə indi oxuya bilərsiniz, tıklayın :D

Başlıqdanda oxuduğunuz kimi bu yazımda sizlərə həm bu ayda oxuduğum, həm də bu ayda aldığım kitablardan bəhs edəcəm. Bu ay nə o qədər də çox kitab aldım, nə də çox kitab oxudum. Buna görə də düşündüm ki, bu yazını birləşdirim. Bəli, elə isə keçək ilk olaraq bu ay oxuduğum kitablara.

Bu ay biri pdf olaraq 4 kitab oxudum.

İlk oxuduğum kitab Freya McLowell'den Lordum kitabı oldu. Yəqin ki artıq tarixi sevgi romanlarını nə qədər sevdiyimi bilirsiniz (bura gözlərindən ürəklər çıxan smayliki qoyaq :D). Çox sevdim. Tam olaraq deyə bilərəm ki, əgər siz də mənim kimi tarixi sevgi romanlarını sevirsinizsə məncə bu kitaba bir şans verin.

Mövzusundan bəhs etmək istəyirəm. Belə ki ingiltərənin gülü adlanan Leydi Rose Crowfeld, kralın əmri ilə böyük bir vəzifəni yerinə yetirmək üçün ölkəsindən ayrılır, ancaq özünü bir tələnin içində tapır.

Döyüş meydanlarındakı zəfərləri ilə bilinən güclü Eider McDuck çıxtığı səyahətdə heç gözləmədiyi bir şəkildə oyuna gətirilər və öz ölkəsini və ailəsini qorumaq üçün düşmənı ilə müqavilə bağlamaq məcburiyyətində qalar. Leydi Rose ilə istəməsə də evlənər. Əlbəttə ki Rose da öz bacılarını qorumaq üçün düşmanının oğlu ilə evləndirilmək məcburiyyətində qalır.

Bəli kitabda nifrtələ başlayıb aşkla bitən bir hekayəni oxuyuruq. Bütün bunları sevsəmdə bir məqamı heç sevmədəm. Belə ki ilk səhifələri oxuyanda Leydi Rose'un necə güclü bir qadın olduğunu görürük. Bu həm mənəvi cəhətdən, həm də fiziki cəhətdəndi. Bir qadın düşünün ki, bütün İngiltərə ona heyrandır, həmçinin də ondan öləsinə qorxur. Amma Eider ilə tanış olduqdan sonra işlər tamamilə dəyişir. Rose artıq Eider ə necə vurulursa artıq heç bir şey edə bilmir. Döyüşə gedəndə belə Eideri görəndə əli ayağı bir-birinə dolaşır. ????? Really, Rose? Sen de mi yaaa??? :( aşk işte dimi...

Ve kitaba verdiyim bal 4.5/5. Yenə də oxuyuuun :)

İkinci olaraq oxuduğum kitab, pdf olaraq oxudum Karen Marie Moning - Karanlık Ateş oldu. Bu kitabın mövzusunu bilmədən oxudum və kitab haqqında tək bildiyim şey Barrons idi. Yəni əsas obrazlardan biri. Kitabda kelt mitolojisindən bəhs olunur. Bu dünya hqqında heç bir şey bilmirdim, ancaq kitab sayəsində bir çox tədqiqat işləri apardım :D

Pdf olaraq oxumağımın səbəbi isə bu kitabın nüsxəsi artıq heç yerdə tapılmır. Çünki yayınevi kitabı yenidən dərc etmir. Bu seriyanın ilk 3 kitabı Epsilon yayınlarından çıxmışdı. Daha sonra isə Artemis yayınları digər kitabları satın aldı və türk dilinə çevirib dərc etdi. Təəssüflər olsun ki, ilk 2 kitabı yenidən dərc etmirlər. Eşidiyimə görə Artemis yayınları təzə üz qapaqları ilə ilk kitabları yenidən dərc edəcəkmiş. Ancaq hələ ki ortada heç nə yoxdu. Əlimdə bu seriyanın digər 3 kitabları var, ancaq ilk 2 kitabın nüsxəsini tapa bilmirəm.

Yenə də kitabın mövzusu çox qeyri-adi idi və mən bu dünyanı çox sevdim. Buna görə də digər kitablarını da səbirsizliklə oxumaq istəyirəm.
Seriyanın ilk kitabına 4.5/5 bal verdim.

Növbəti oxuduğum kitab isə Sun Zi - Savaş Sanatı oldu. Eradan əvvəl yazılmış olmağına baxmayaraq hələ də öz məhşurluğunu qoruyan kitablardandı. Adından da məlum olduğu kimi yazıçı döyüş sənətləri üzrə bir çox məqamları qeyd edib. Hər nə qədər kitab eramızdan əvvəlki Çin dövlətinə xitab etsədə nümunə çıxara biləcəyiniz bir çox məqamları var.
Çox qısa bir kitabdı. 80 səhifədir. Sadəcə oxuyun.

Bir digər oxuduğum kitab isə Neil Gaiman'dan Yolun Sonundaki Okyanus oldu. Bu kitab haqqındakı öz fikirlərimi bloga yazmışdım. Əgər baxmaq istəsəniz tık-tık :D
Burada da qeyd etmək istərdim ki, yenə də mövzusu haqqında heç bir şey bilmədən oxudum və normal bir kitab olduğunu düşünmüşdüm, yəni fantastik olduğunu düşünməmişdim. Ancaq kitab elə yerlərə getdi çıxdı ki. Neil Gaiman bizə qeyri-adi bir dünyanın qapılarını açıb. Oxumağınızı tövsiyyə edirəm.

Oxuduğum kitabların hamısını tövsiyyə edirəm, bəli :)))

İndi isə keçək bu aykı aldığım kitablara. Bu ay bir çox endirimlərlə yanaşı möhtəşəm "Black Friday" günü də oldu. Belə ki bu gün Noyabr ayının son həftəsi baş tutan Thanksgiving Day dən sonra olan cümə günü qeyd edilir. Bütün mağazalarda böyük endirimlər olur. Əlbəttə ki Amerikanlılar məxsus bayramlardır. Çünki Thanksgiving Day'in öz tarixi var. Belə ki 1607-ci ildə ingilislər Britaniyadan Amerikaya gəlirlər, burada öz kalonyalarını yaradırlar. Ancaq o qış o qədər sərt keçir ki, gələnlərin çoxu xəstəliklərdən, aclıqdan ölürlər. Geriyə qalanlara isə yerli xalq olan Hindular kömək edir. Qarğıdalını yetişdirməyi öyrədirlər, soyuqdan qorunmağı. Daha nələr, nələr.
Bir il sonra isə artıq ingilislərin yaşamaq üçün çoxlu ehtiyatları olur və qərar alırlar ki o günü Thanksgiving olaraq qeyd etsinlər, yəni Şükran Bayramı və bu günü Tanrıya dua edərək keçirirlər.
OK, bunların hamısını başa düşdüm ancaq niyə sonra nankorluq edib yerli xalqa qırğınlar törətdiz? :( Ah, amerikalılar...

Bu gün artıq bir neçə ildir ki bizdə də qeyd olunur. Cümə, şənbə və bazar günləri mağazalarımızda 30-40% qədər endirimlər olur. (Əlbəttə ki amerikada bu endirimlər daha çoxdur :D)
Bu ildə Ali & Nino'da da 40% endirim var idi. Mən də həmişəki kimi bazar günü (yəni son gün) dözə bilmədim və bir neçə kitab sifariş verdim və həqiqətən çox möhtəşəm qiymətlərə aldım.

İlk olaraq Benokız - Sevgiler Beno'dan kitabını aldım. Yazıçını çox uzun vaxtır ki instagram səhifəsindən izləyirəm və səhifəsində olduğu kimi kitabında da xərçəng xəstəliyinə qalib gələn Benokızın həyatını oxuyuruq. Kitabı bir az vərəqlədim. Çox xoşuma gəldi. Özümü hazır hiss edəndə kitabı oxuyacam.

Möhtəşəm endirimləri tapmışkən bir Harry Potter kitabı almamaq olmazdı hərhalda. Seriyanı bu üz qapaqları ilə tamamlamaq niyyətindəyəm. Hələ ki 3 kitabını almışam, görək növbəti ildə nələr olacaq :)).

Digər bir kitab isə Wulf Dorn - Oyunbaz oldu. Yəqin ki artıq bu yazıçını necə sevdiyimi bilirsiniz. Məndə yalnız Hain Yüreğim kitabı var idi. Ali & Nino endirimdə görən kimi aldım. Bu ay Wulf Dorn ayı olacaq deyəsən. Yazardan almadığım 2 kitabı qaldı Kumarbaz və Fobi. Görək onların qisməti nə vaxt açılacaq.

Son olaraq bu endirimdən aldığım sonuncu kitab isə Kerstin Gier'den Silber oldu. Seriyanın ilk kitabını çox uzun vaxt əvvəl oxumuşdum. İki həftə olar ki hər dəfə Ali & Nino'ya gedəndə Silber'ə baxıb aşk yaşayırdım. 18 Azn idi ancaq endirimlə mən 11 manata aldııım :D Yehhhuuuu.

Ali & Nino'nun saytı ilə bağlı bir neçə məqamı sizlərlə bölüşmək istəyirəm. Belə ki bu mənim saytdan verdiyim üçüncü sifarişim oldu. Bazar günü səhər sifariş verdim və artıq axşamüstü kitablar əlimdə idi. Əgər sifariş etmək istəsəniz nəzərinizə çatdırım ki, saytda qeyd olunan nömrələrə zəng vurub sifariş verin. Çünki bu ən tez üsuldur və etibarlıdır. Kitabı evinizə qədər gətirirlər və siz pulu nəğd formada kuriyerə ödəyə bilərsiniz. Onu da qeyd edim ki, saytda tez-tez 20% endirimlər olur. :)
(P.s. Kaşki Ali & Nino bu yazıma sponsorluq edərdi xoxxoxo. Zarafatsız özüm sınayıb sevdiyim üçün sizlərlə paylaşmaq istədim.)

Bu ay aldığım sonuncu kitab isə yenədə Wulf Dorn'dan Psikiyatrist kitabı oldu. Onu da endirimlə Bakumozbooks'dan aldım. Təşəkkürlər endirimlər. Təşəkkürlər Black Friday. :D

Bunlardan başqa Elmakitab'dan da 2 kitab sifariş etmişəm. Onlar hələki gəlməyib, amma gələndə sizlərlə paylaşacam.

Siz bu ay hansı kitabları oxuduğunuz, Black Friday'dən nələr aldınız yorumda mənimlə paylaşmağı unutmayın :)

P.s.2 Gələn il yadıma salın ki 2 ay qabaqdan Black Friday'ə pul yığmağa başlayım, istədiyim kitabları ala bilim, çox kitab alım xixii :D

Hələlik.
See you, babies :*

Share |

Noyabr Ayında Nələr Olur?

Əsas Səhifə Kasım 25, 2016

Çoxdandır ki, bir məsələ haqqında çox fikirləşirdim. Blog'a daha çok yazı yazmaq istəyirdim, amma bunun ancaq kitablarla limitli olmasını da istəmirdim. Buna görə də qərar verdim ki, artıq aylıq yaşadıqlarımı da sizlərlə paylaşım və ya aylıq favorilərimi. Oxuyarsınızmı bilmirəm, ümid edirəm ki, sevərək oxuyacaqsınızdır. Onda niyə elə bu aydan başlamayaq?

Əvvəlcə nələr edirəm onlardan yazmaq istəyirəm. Son vaxtlarda dərslərimlə əlləşərək həyatı yaşamağa çalışıram. Artıq 3-cü kursa keçdim və 2 ildən az bir vaxtım qaldı. Əlbəttə ki qorxularım da gün keçdikcə daha da çoxalır. Universiteti bitirdikdən sonra nə edəcəm? Necə davam edə bilərəm? Necə iş tapa bilərəm? Mən işləyə bilərəmmi? Daha nələr, nələr... Buna görə də gələcək planlarım dəqiq olmasa da alman dilimi inkişaf etdirməyə qərarına gəldim. (Düzü Vianadan sonra mənə çox böyük həvəs gəlib, alman dilini yaxşı öyrənim bəlkə işdidə olar, qayıdaram ora :)) Əgər alman dili öyrənmək istəyibdə çəkinirsinizsə, çətin dil olduğunu düşünürsünüzsə məncə elə bu gündən başlayın, çünki alman dili o qədər də çətin dil deyil. (Yaxşı, bəlkə də mən hələ çətin olan hissələrinə gəlməmişəm :D xoxoxo)

Bu ay dərslər baxımından çox çətin aylardan biridir, çünkü etməli olduğum o qədər işlər var ki. Yazmalı olduğum 500 sözlük bir essayim, hazırlayacağım 3-4 dənə presentasiyalarım var və bunların hamısını dekabr ayının ilk həftəsinə qədər çatdırmalıyam. Ve əlbəttə ki hamısı da ingilis dilindədir. Perfect. Çooox tənbələm, çoooox!

Keçən aylarda kinoteatrda bir neçə filmə baxdım. Onlardan bir az yazmaq istəyirəm. İlk əvvəl əlbəttə ki "Miss Peregrine's Home for Peculiar Children" filminə baxdım.. Sadəcə olaraq "MÖHTƏŞƏMDİ". Kitabı oxuyarkən bu qədər çox əylənməmişdim, ancaq filmi çox sevdim. Elə bil kitabda bir neçə yer əksikdi amma filmdə elə deyildi. Tim Burton o qədər gözəl bir film ərsəyə gətirib ki, film boyunca "Uyda", "Əla" deyərək yerimdə belə otura bilməmişdim. Filmlə kitabın arasında çox da böyük fərqlər yox idi, ancaq təbii ki bir neçə səhnə dəyişdirilmişdi, istər xarakterlər olsun, istərsə də o möhtəşəm son. Düzü hal-hazırda ikinci dəfə o filmə getmədiyim üçün çox pis oldum. Kaş ki gedib o həyəcanı yenidən yaşasaydım. Bu filmi rəfiqəm Həlimə ilə izlədik. o, heç vaxt nə fantastik kitabları, nə də filmləri sevər. Amma əlbəttə ki bu filmi çox sevdi. İkimiz də ikinci filmi səbirsizliklə gözləyirik. Əsl kinoteatrda izləməyi sevdiyimiz səbəblərdən biri də salonda sadəcə ikimiz var idik. Nədənsə salon bomboş idi. İlk seans olduğu üçünmü yoxsa bizim ölkəmizdə insanların o qədər də diqqətini çəkmədiyi üçün idi mi bilmirəm. Yenə də boş salonda həyəcanımızı bir-birimizlə bölüşərək baxdıq filmə və çox təəccüblənsəmdə film türk dilində idi. Onun da başqa zövqü var idi.

İlk kitabı oxusamda ikinci kitabı hələki oxumağa vaxtım olmamışdı. Artıq bu ay vaxt edib oxumaq istəyirəm çünki çox maraqlı gəlir, görəsən kitabda hadisələr necə davam edəcək.

Sonraki izlədiyimiz film təsadüfən seçilmiş bir film oldu: "İkimizin Yerine". Əslində heç gedib baxmağı fikirləşmirdim, ancaq nədənsə o gün kinoteatra getmək istəyirdik və bizim vaxtımıza uyğun təkcə bu filmin seansı olduğu üçün biz də getdik. Filmin mövzusunu çox sevməsəm də o qədər də pis deyildi. Filmdə ən çox sevdiyim aktyor seçimləri (Nejat İşler ve Serenay Sarıkaya) oldu, bir də filmdə deyilən sözlər: "Aşk birinin eline dolu bir silah verip sizi vuracağı anı beklemekten farksızmış.." Nədənsə film mənə yarımçıq gəldi. Elə bil, mövzusu sevgidir ancaq ortada sevgi deyilən bir şey yoxdur. Təkcə aktyorların performanslarını sevdim. Düşünürəm ki onlar olmasaydı filmə baxmağa dəyməzdi.

Noyabrın ilk həftəsində “Qatardakı Qız” filminə baxdım. Kaş amma kaşki heç gedib baxmasaydım. Film müddətində ancaq film qurtarsada evə getsək deyə düşünməkdən sıxıldım. Bilmirəm ya, kitabını da oxuyanda sevməmişdim, elə filmini də sevmədim. Boş yerə 2 saatımı aldın be film. :/

Nəhayət keçən həftə çoxdandır gözlədiyim film gəldi “Fantastic Beasts and Where to FindThem”. Çox qəşəng idi yaaa. Bu filmdən sonra bu dünya hqqında bir az maraqlı məlumatlar axtarıb tapdım. 2 saat 20 dəqiqəlik bir filmdir. Sadəcə gedin və hər dəqiqəsindən zövq alın. Əgər alınsa bu film haqqında daha ətraflı bir yazı yazacam. Əgər vaxt tapsam gedib yenidən filmi izləməyi fikirləşirəm.

Artıq 2016-cı ilin qurtarmağına 1 ay 1 həftə qaldı və mənim bu ilki “Oxuma Hədəfim” 60 kitab idi. Hələ 35 kitab oxumuşam. Bu il oxumaq üçün çoxda vaxtım olmadı. Yəni 25 kitabı bu 1 ay 1 həftəyə sığışdırmalıyam. Ah, xəyallar = həyatlar. Görək nələr olacaq.

Yeni il üçün mənim kimi həyacanlı olanlar varmı? Artıq noyabrdan başlayaraq Christmas-a hazırlaşmağa başlayıram. Yaxşı, bilirəm ki, bizdə Christmas yoxdur ancaq o dadlı şirniyyatları, məni xoşbəxt edən musiqiləri görməzdən gələ bilmərəm.

Mənim bu aylıq sizlərlə bölüşmək istədiyim təəsüratlarım bu qədər. Bu arada sizin ayınız necə keçdi? Fikirlərinizi mənimlə bölüşsəniz şad olaram.

Hələlik.

See you, babies :*

Share |